Ҳужумчи айни дамда "Эспаньол"га ўтишдан олдин тиббий кўрикдан ўтмоқда. Фабрицио Романонинг сўзларига кўра, у бугун "Барса" билан шартномани бекор қилиш учун зарур бўлган ҳужжатларга имзо чекади.
Брейтуэйт "Эспаньол" билан 2025 йилгача амал қиладиган шартнома имзолайди.
Ҳужумчи 2020 йилнинг февралида "Барселона"га ўтган. У "Леганес"дан 18 миллион еврога сотиб олинганди.
Даниялик футболчи "Барса" сафида 58 та ўйин ўтказиб, 10 та гол урган ва 5 та голли узатмани амалга оширган.
