Россиялик боксчи Александр Поветкин америкалик Деонтей Уайлдерга қарши ўтказиладиган жанг олдидан олинган допинг-тест назоратидан ўта олмади. Бу ҳақида ESPN инсайдери Дэн Рафаэль ўзининг Твиттер ижтимоий тармоғидаги саҳифасида хабар қолдирган.
Поветкиннинг қонида тақиқланган мельдония моддаси борлиги аниқланган. Россиялик боксчи 21 май куни Москва шаҳрида супероғир вазн тоифасининг WBC йўналиши чемпиони Деонтей Уайлдерга қарши рингга кўтарилиши керак эди. Ҳозирча Поветкин – Уайлдер жанги ташкилотчилари бу хабарга ҳеч қандай муносабат билдиришмади.
Спорт хабарларининг энг сўнгги янгиликлари билан www.olamsport.com сайтида танишиб боринг.