14 октябрь куни "селесао" ёшлари Чилида тенгқурлари билан ўртоқлик учрашуви ўтказишди. Меҳмонлар таркибида "Реал"нинг бир йўла икки футболчиси майдонга тушди. Винисиус Жуниорни "Мадрид" сафидаги ўйинларини ҳам кўриб улгурдик, Родриго Гоэс эса яқин вақтлар ичида жамоага келиб қўшилиши ҳақида маълумотлар мавжуд.
Шу икки йигит Чилида бўлиб ўтган ўйинда жамоасининг ягона голига сабабчи бўлишди. Винисиус қанотдан катта тезликда рақибларидан қочиб, жамоадошига тўпни етказди ва Родриго дарвозани ишғол қилди.
