Бразилия президенти терма жамоанинг асосий муаммосини айтди

Бразилия президенти Лула да Силва терма жамоанинг асосий муаммоси ҳақида тўхталди.

"Муаммо Динизда (Бразилия терма жамоасининг амалдаги мураббийи – таҳр.) эмас, балки бизда бугун аввалгидек сифатли жамоа йўқ. Биз ҳозир энг яхши даврда эмасмиз ва бу хурсанд қилгани йўқ. Йигитлар Бразилияни 17-18 ёшда тарк этиб, 36-37 ёшда қайтишмоқда. Биз ишчини юқори чўққида бўлган пайт қўйиб юборяпмиз ва нафақага чиқмоқчи бўлганларни ёллаяпмиз.

Динизнинг шахсияти, креативлик бор, у кийиниш хонасини қандай бошқаришни билади. Футболда кийиниш хонасини мураббий бошқариши керак, чунки ўша ерда тафовутлар келиб чиқади. Менимча, Диниз бу масалада малакали", – деди президент.

Аввалроқ Бразилия терма жамоасининг навбатдаги мураббийи Мадриднинг "Реал" клуби устози бўлиши ҳақида хабар берилган эди.