Брайан Риаскос: "Суперлига – бир қараганда осон, аммо аслида жуда мураккаб турнир"
02 июл 23:06
Янгиликлар

Брайан Риаскос: "Суперлига – бир қараганда осон, аммо аслида жуда мураккаб турнир"

Теглар : Брайан Риаскос Ўзбекистон кубоги

Ўзбекистон кубоги нимчорак финалидан ўрин олган "Пахтакор" – "Олимпик-МобиУз" (2:1) учрашувидан сўнг мезбонларни ғалаба томон етаклаган Брайан Риаскос ўйин ҳақидаги фикрлари билан ўртоқлашди.

"Аввало, ёш бўлишларига қарамай, ўйиннинг бошидан охиригача жуда кучли характер кўрсатган "Олимпик-МобиУз" жамоасини эътироф этмоқчиман. Ўйин жуда қийин кечди, аммо охир-оқибат ўзимиз кўзлаган натижага эришдик.
Самарали кўрсаткичлар қайд этаётганимдан ва ўз ўйинимдан мамнунман. Шу вақт давомида менга катта ёрдам берган ҳамкасбларимга миннатдорчилик билдираман ва шундай давом этишни, кўплаб голлар уриб, янада кўпроқ голли узатмалар беришни хоҳлайман.
Ўзбекистон футболини яхши баҳолайман, барча жамоалар кучли, Суперлига эса қийин мусобақа. Бир қараганда, осон кўриниши мумкин, аммо аслида жуда мураккаб турнир ҳисобланади", -дейди Брайан Риаскос.

Ҳавола :

Манба : championat.asia

Янгиликларни Телеграмда ўқинг!

Рейтинг: +4