UZ

Сўнгги янгиликлар

Ботирали Эргашев: “Совринли ўринлар учун курашишда “Қўқон-1912”га ҳамма нарса етарли” Янгиликлар

Ботирали Эргашев: “Совринли ўринлар учун курашишда “Қўқон-1912”га ҳамма нарса етарли”

Барча жамоалар қайтадан рестарт олиши кутилаётган Суперлига баҳсларига тайёргарликни бошламоқда.

Жорий йилда катта мақсадлар сари йўлга чиққан Бахтиёр Ашурматов бошчилигидаги “Қўқон-1912” жамоаси аъзолари ҳам бугундан машғулотларга киришишмоқда. Режага кўра жамоа 1-6 июнь кунлари Қўқон шаҳрида йиғин олиб борадилар. 8 июндан бошлаб машғулотлар Тошкентга кўчирилади. Биз билан суҳбатдан бўлган жамоа посбони Ботирали Эргашев ўз фикр ва мулоҳазаларини билдирди.

“Индивидуал машғулот билан, жамоавий машғулотни фарқи катта. Жамоа билан бирга бажарганиз фойдалироқ ва яхшироқ. Тўғри, дарвоза чизиғи вакилларини якка тартибда машқларни бажариши қийин. Бунда менга яқиндан укам катта ёрдам берди. Киперлар учун алоҳида дастур берилди ва шу асосида машқларни уйда бажардим.

Машғулотларга ва Суперлига ўйинларини ўтказишга рухсат берилганлиги ҳақидаги хабар жуда қувонтирди. Футболни ва яшил майдонни анча соғиндик.



Мавсумни яхши бошлаб олдик ва ғалабаларни қўлга киритдик. Насиб қилса худди шу руҳда давом этишга астойдил ҳаракат қиламиз. Бизга билдирилаётган улкан ишончларни оқлаймиз деган умиддаман. Таркибимиз ажойиб кўриниш олган, легионерлар ва тажрибали маҳаллий футболчилар уйғунлашган. Совринли ўринлар учун курашишимизга ҳамма нарса етарли.

Очиғи, “Бунёдкор” билан ўйинни орзиқиб кутяпман. Қайси жамоанинг имкониятлари юқори? Икки жамоа ҳам бир хил ҳолатда ва имкониятлари тенг. Қалбан биз билан бирга бўлаётган ишқибозларни муваффақиятли натижаларимиз билан хурсанд қилишни истаймиз”,- дейди Ботирали Эргашев.

Эслатиб ўтамиз, “Қўқон-1912” жамоаси навбатдаги учрашувни 13 июнь куни “Бунёдкор”га қарши меҳмонда ўтказади.

Рейтинг: +6   

Фикрлар

+3   
02 июн 15:22:33
FC_BARCELONA_UZ
Jamoamiz Qoʻqon-1912 ga keyingi oʻyinlarda omad yor boʻlsin!
+3   
02 июн 14:30:32
Барса 1984
Ботирали, сенга омад
+1   
02 июн 21:56:33
Ixtiyorjon Axmedov
Olg'a Qo'qon
-4   
02 июн 16:21:28
Абдурахманов Шухратхон
Эх Ботирали сенга булган хурматим баланд эди лекин Динамода охирги турлардаги к,илик,ларинг хамасини узгартириб юборди
-4   
02 июн 14:57:24
Nazir Dusmatov
Poytaxt Quqonga kuchdimi, Botirali
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг