"Болонья" Михайловичнинг ўлимидан сўнг спаррингни бекор қилди
17 дек 2022 18:46
Янгиликлар
"Болонья" Михайловичнинг ўлимидан сўнг спаррингни бекор қилди
Сербиялик мураббий лейкемия билан узоқ давом этган курашдан сўнг вафот этди.
"Болонья" расмий сайтида собиқ бош мураббий Синиша Михайловичнинг вафоти туфайли ўйин бекор қилинганини эълон қилди.
17 декабрь куни "Болонья" Словениянинг "Горица" клубига қарши ўртоқлик ўйини ўтказиши керак эди, бироқ Италия клуби раҳбарияти ва мураббийлар штаби ўйинни бекор қилишга қарор қилди.
Учрашув ўрнига жамоа футболчилари ёпиқ эшиклар ортида машғулот ўтказишади.
Эслатиб ўтамиз, 16 декабрь куни 53 ёшли Синиша Михайлович вафот этгани эълон қилинганди.
2006 йилда у "Интер"да ёрдамчи мураббий сифатида фаолиятини бошлаган. Шундан сўнг "Фиорентина", Сербия терма жамоаси, "Сампдория", "Торино" клубларида ишлаган.
Михайловичнинг сўнгги клуби "Болонья" бўлиб, у шу йилнинг сентябрь ойида қониқарсиз натижалар туфайли уни тарк этган.
Ўхшаш янгиликлар
championat.asia
U-17 ЖЧ. Ўзбекистон Панама дарвозасига 6 та тўп йўллади
Эшитдик-да! Кападзе Ўзбекистон терма жамоасидан кетди
Ла Лига. "Реал" меҳмонда "Райо Вальекано"ни мағлуб эта олмади
АПЛ. "Манчестер Сити" "Ливерпул"ни йирик ҳисобда таслим этди, Ҳусанов эса...
Фикрлар