"Бока Хуниорс" Либертадорес Кубогининг иккинчи финалида ўйнамоқчи эмас

"Биз КОНМЕБОЛ президенти сўзларини диққат билан ўргандик. "Ривер" дисквалификация қилинишини истаб сўров юборишга қарор қилдик. Мурожаатимиз 46 саҳифадан иборат, унда фото, видео ва бошқа далиллар бор. Энди бу иш билан интизом қўмитаси шуғуллансин.

Суд тўғри қарор қабул қилади деб ўйлайман. Суд қарори чиқмагунча майдонга тушмоқчи эмасмиз.

Бундай қилиш учун бизда асос бор. Агар суд қарори бизнинг фойдамизга бўлмаса, бунинг сабабларини кўриб чиқамиз. Агар сабаблар бизни қониқтирмаса, КОНМЕБОЛ Апелляцион палатасига мурожаат қиламиз.

Ўйинни кўчириш - сўнгги қарор эмас, чунки уни суд эмас, КОНМЕБОЛ ижро қўмитаси қабул қилди. Биз ҳаммаси қонун доирасида бўлишини истаймиз.

Вазифам - "Бока"ни ҳимоя қилиш. Бу жуда жиддий иш. "Ривер" жорий мавсум кўп жазоланди ва биз охиригача борамиз. Биз финалда ўйнамоқчи эмасмиз" - дейди Анхелиси.