UZ

Сўнгги янгиликлар

12:46"Манчестер Юнайтед" Каземирога ўринбосар топди  0 12:20Эшитдик-да! ФИФА "Бунёдкор"га илк санкцияни қўллади  6 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  13 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  7 09:3410 ойга четлатилган Тонали яна узоқ муддатга дисквалификация қилиниши мумкин  2 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3

Биз пайқаганимиз йўқ, аммо Зидан "Реал"да тозалаш ишларини бошлади Янгиликлар

Биз пайқаганимиз йўқ, аммо Зидан "Реал"да тозалаш ишларини бошлади

"Реал" ҳамда "Уэска" ўртасидаги ўйин "топ клуб vs аутсайдер" типидаги учрашувларга кирмайди.

Биринчидан, ҳамма Лука Зиданнинг "Сантьяго Бернабеу"даги дебюти ҳақида гапириб, бу воқеа спорт принципларига асосланганми ёки оилавий алоқалар туфайли рўй берганини муҳокама қилишмоқда.

ЛаЛиганинг сўнгги жамоасига қарши ўйиннинг бу мавсумга умуман алоқаси йўқ эди: Бу келаси мавсумга тайёргарлик. Эътиборни дарвозабонга эмас, асосий таркибга қаратамиз.

Браим Диас: "Реал" сафида дебют. Маркос Льоренте: Тўртинчи марта чемпионат ўйинида асосий таркибда майдонга тушди. Келажаги ҳақида миш-мишлар кўп бўлган футболчилар иккинчи марта учрашувни илк дақиқаларда бошлашди: Иско ва Гарет Бэйл. Асосий таркибда майдонга тушиши байрамдек бўлган Дани Себальос гол уришга эришди. Жорий мавсум давомида клубдан кетиши ҳақида айтилган Марселони қўшинг. Бунга қўшимча равишда 3 йилдан бери мухлислар ва ОАВ сотишга уринаётган Карим Бензема. Майдондаги 10 футболчининг 7 нафари келаси мавсумни "Реал"да бошлаши номаълум. Мариано Диас ва Федерико Вальверде захирадан майдонга тушишди. Бу келаси мавсум учун тайёргарлик бўлмаса, нима унда? Мураббий кўрикни бошлаб юборди: Ҳаммада имконият бор, қолишга муносибларни танлаш керак.


Зидан "Реал"да ҳаммани танийди. Нега у футболчиларни кўрикдан ўтказиши керак?

Ҳамма гап вақт нисбийлигида. Икки ярим йил - бу кўпми ёки кам? "Реал" мураббийи учун кўп, XXI асрда фақат Жозе Моуринью кўпроқ жамоани бошқарган. Аммо у жамоа яратиб, узоқ муддатли вазифаларни ҳал қилиш учун келган эди. Зиданда вазият бошқача бўлган. У жамоага мавсум ўртасида вақтинчалик мураббий сифатида келди ва катта ўзгаришлар амалга оширгани йўқ. Мана исбот: "Ливерпуль"га қарши Чемпионлар лигаси финалида ўйнаган 11 футболчининг 6 нафари (Рамос, Варан, Марсело, Модрич, Роналду, Бензема) 2012 йил Моуринью қўл остида ҳам майдонга тушган. Зиданнинг вазифаси ҳар доим кейинги ўйин бўлган.

У ўзини оғир вазиятларда тўғри қарор қабул қила оладиган профессионал сифатида кўрсатди. Чемпионлар лигасидаги кетма-кет учта ғалаба - бу тинимсиз кўникишлар, янги деталлар излашнинг маҳсули. Катта муваффақиятлар ва жамоада узоқ муддатли ривожланиш стратегияси йўқлиги ҳаммани ҳайратга солади.

Зидан ҳеч қачон катта трансферларга қўл урмаган. У жамоани кучайтириш учун сотиб олган ягона футболчи - Альваро Мората. Бироқ бу 30 млн. евролик трансфер "Ювентус" билан имзоланган шартнома бандининг бир қисми эди. Агар мураббийда трансфер сиёсати борасида бирор ғоя бўлса, демак, бундан ҳеч кимнинг хабари йўқ.

Шу сабабли Зидан "Реал"да ҳаммани таниши муҳим эмас. Унда янги вазифа бор. Ижарадагиларни ҳисобга олмасак, келаси мавсум "Реал" вакили бўлишни истаётган 25 футболчи бор. 50 млн. евро эвазига сотиб олинган ҳимоячи Эдер Милитаони ҳам эсдан чиқармаслик керак. Бу таркибга ёзда сотиб олиниши мумкин бўлган бир нечта супер юлдузларни қўшсак, таркиб 30 кишига етади. Бу кўп, жуда кўп. Зиданга қанча футболчи керак?

Чемпионлик мавсумида мураббий ЛаЛигада 24 футболчидан фойдаланган. Барча турнирларни ҳисобга олсак, мавсум давомида 27 нафар ўйинчи майдонга тушган. Захира футболчилари ўзларининг кераклигини ҳис қилиши Зидан учун жуда муҳим. Франциялик қўл остида камида 20 нафар ўйинчи мавсум давомида майдонда 1200 дақиқадан кўп вақт ўтказади.

Бошқача қилиб қайтадиган бўлсак, ҳозир кетадиганларни танлаш вақти. Бунинг учун Зидан спортдаги энг ёқимсиз ишни қилмоқда: Баҳсли номзодларга ўйнашга имкон бермоқда. Айтганча, у "Уэска"га қарши баҳсдан сўнг ротация давом этишини айтди.



"Уэска"га қарши ўйин нимани кўрсатди?

Олдинда 9та баҳс бўла туриб, биринчи ўйиндан сўнг жиддий хулосалар қабул қилиш ғалати бўларди.

Марсело голли пас берганига қарамасдан яхши ўйин кўрсата олмади, Льоренте эса захирадан тушганига қарамасдан жуда яхши ҳаракат қилди. Маркос Льоренте Касемиронинг сифатли ўринбосаридек кўриняпти - у ўз ярим майдонини ёпиб, тўпсиз яхши ҳаракатланмоқда (4та курашда ғалаба, 3 марта пасни илиб кетиш, 3та фол). Бу етарли бўлиши керак. Исконинг яхши ўйинидан сўнг "Реал"га Погба керакми деган савол пайдо бўлади.


Аммо баъзи нарсалар ҳозирданоқ аниқ

Масалан, Бэйлнинг омадсиз ўйинларига кўникиб қолдик. У "Уэска"га қарши баҳсда тўпга 19 марта тегинди, бу Лука Зидандан ҳам кам. Иккинчи бўлимда бироз фаоллашди: Тўртта кросс уюштириб, 3 метрдан дарвозани ишғол қила олмади.

Яна бир нималарни қўшимча қилиш мумкин. Жамоадаги тозалаш ишлари Бенземага таъсир қилмаслиги керак. Криштиану Роналду пайтида Санчо Пансо ролини ижро этган ҳужумчи португалиялик кетиши билан жорий мавсум барча турнирларда 23та гол урди (ўтган мавсумдан икки баравар кўп) ва "Реал" тўпурарига айланди. "Уэска"га қарши баҳсдан сўнг Альваро Одриосола Бенземани дунёнинг энг яхши марказий ҳужумчиси деб атади. Бироз ошириб юборган бўлиши мумкин, аммо Карим ҳақиқатдан ҳам мақтовга лойиқ эди. "Бензема 10 йилдан бери шу ерда, бу унинг энг яхши мавсумидир. Карим жамоадан кетмайди" - дея Зидан ўзгаришлар Бенземага таъсир қилмаслигини билдирди. Қолганлар эса отни қамчилаши керак.

Рейтинг: +29   

Фикрлар

championat.asia
< сўнгги янгиликларни кўриш
Яндекс.Метрика