Биринчи лига. “Зомин” – “Норин” учрашуви “Суғдиёна” стадионида бўлади
19 апр 2016 14:56
Янгиликлар

Биринчи лига. “Зомин” – “Норин” учрашуви “Суғдиёна” стадионида бўлади

Ушбу ҳафтада Ўзбекистон биринчилиги баҳсларининг 4-тур учрашувлари бўлиб ўтади.

Хабарингиз бор, “Зомин” жамоаси уй учрашувларини Зомин марказий стадионида ўтказади. Ўтган йили биринчи лига мусобақалари тугаганидан сўнг, ўйингоҳ майдонида таъмирлаш ишлари бошланган эди. Ҳозирги кунга келиб, стадион учрашувларни қабул қилишга тайёр эмас. Шунинг учун биринчи лиганинг иккинчи босқичига қадар “Зомин” жамоаси уй учрашувларини бошқа ўйингоҳда ўтказишга мажбурдир.

Мезбон сифатида 3-турда Андижоннинг “УзДонгЖу” жамоасига қарши учрашувни ўтказиш учун Янгиер марказий стадиони танланган эди. Аммо иккала жамоа ҳам учрашувга тайёр бўлсада баъзи сабабларга кўра учрашув бўлмади ва “Зомин” жамоасига техник мағлубият ёзилди.

“Оқ бўрилар” 4-турда Ҳаққулободнинг “Норин” жамоасига қарши учрашувни “Суғдиёна” стадионида ўтказишади.

Учрашув 20 апрель куни соат 17-00да бошланади. Ушбу учрашувни томоша қилишга барча футбол мухлисларни таклиф қоламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +4