Биринчи лига. 7-тур статистикаси

“ОРОЛ”НИНГ ЙИРИК ҒАЛАБАСИ ЁХУД “УЗДОНГЖУ”НИНГ МАҒЛУБИЯТСИЗ СЕРИЯСИГА ЧЕК ҚЎЙИЛДИ
7-турда нукусликларнинг қувончи чексиз бўлди. Боиси “Орол” ўз майдонида “Пахтакор-2”ни қабул қилиб, йирик 7:0 ҳисобида зафар қучди. Бу эса маҳаллий ишқибозларга олам-олам қувонч тақдим этгани шубҳасиздир.

Иккинчи босқичнинг дастлабки 6 ўйинида мағлуб бўлмаган “УзДонгЖу” 7-турга келиб, мағлубиятсиз юришини тўхтатди. Турнир пешқадами “Шўртан” меҳмони бўлган андижонликлар 1:3 ҳисобида имкониятни бой берди.

Косоннинг “Аланга” жамоаси эса кутилмаганда ўз майдонида “НБУ-Осиё”дан мағлубиятга учради.  

Дебютант “Обод” эса “Зомин”ни сафарда мағлуб этиб қайтди.

Уйчининг “Хотира-79” жамоаси эса Муборакда тайёр ғалабани қўлдан чиқарди ва шу тариқа қуруқ қўл билан қайтишга мажбур бўлди.

Аввалги икки турда ўз дарвозасидан 7тадан тўп ўтказиб юбориб, кўпчиликни ажаблантирган “Ғаллакор-Автомобильчи” бу сафар ўз майдонида “Қўқон-1912”ни қабул қилди ва жиддий қаршилик кўрсатди.

14 сентябрь (якшанба)
“Шердор” – “Оқ-тепа” 0:0.
“Аланга” – “НБУ-Осиё” 1:2.
15 сентябрь (душанба)
“Хоразм” – “Истиқлол” 2:2.
“Орол” – “Пахтакор-2” 7:0.
“Шўртан” – “УзДонгЖу” 3:1.
“Машъал-2” – “Хотира-79” 2:1.
“Зомин” – “Обод” 0:1.
“Ғаллакор-Автомобилчи” – “Қўқон-1912” 2:3.

ГОЛЛАР
* 7-турда урилган жами голлари сони 27тани ташкил этди.
* Бу ҳар бир ўйинга ўртача 3,375дан гол демакдир.
* Учрашувларнинг биринчи бўлимида 15та гол қайд этилди.
* Иккинчи таймда эса мухлислар яна 12та голга гувоҳ бўлди.
* Киритилган умумий голлардан 17таси мезбон жамоалар ҳисобига ёзилган.
* Қолган 10та тўпни эса меҳмонлар киритган.
* Ушбу турда энг кўп гол урган жамоа “Орол” бўлди, 7та!
* Аксинча ўз дарвозасидан энг кўп тўп ўтказиб юборган жамоа эса “Пахтакор-2” бўлди.
* Шунингдек мазкур турда “Шердор”, “Оқ-тепа”, “Орол”, “Обод” жамоалари ўз дарвозаси даҳлсизлигини сақлаб қолган.
* Турнинг энг тезкор голи 5-дақиқага тўғри келди. “Шўртан” футболчиси Элёр Интизомов айнан ушбу дақиқада “УзДонгЖу” дарвозасини ишғол этишга муваффақ бўлди.
 * Аксинча турнинг энг сўнгги голи эса 89-дақиқада урилган. “Машъал-2” аъзоси Санжар Аҳмедов ушбу дақиқада “Хотира-79” дарвозасини ишғол этиб, жамоасига муҳим уч очкони келтирди.
* Турнинг битта ўйинида гол кузатилмади. Яъни “Шердор” – “Оқ-тепа” баҳсида нурсиз дуранг қайд этилган.
* 7-турнинг битта учрашувида пенальти белгиланган. “Ғаллакор-Автомобильчи” аъзоси Абдурасул Абдуғаниев ушбу имкониятдан унумли фойдаланиб, “Қўқон-1912” дарвозасини ишғол этган.
* Шунингдек мазкур турда битта автогол ҳам кузатилди. “Пахтакор-2” ўйинчиси Виктор Григорьев “Орол” билан ўйинда ўз дарвозасига кутилмаганда тўп киритиб юборган.
* Эътиборлиси шундан сўнг нукусликларнинг иштахаси очилиб кетган ва яна 6та гол урилган.
* Битта ўйинда ўз ҳисобига иккитадан гол ёздириб қўйган футболчилар сони 3тани ташкил этди.
* Баҳодир Акрамов (“Қўқон-1912”), Элёр Интизомов (“Шўртан”) ҳамда Санжар Аҳмедов (“Машъал-2”) ушбу турда дубл қайд этди.
* Хет-трикка эришган футболчи Наврўзбек Ҳаипов бўлди. “Орол”нинг тўпурар ҳужумчиси душанба куни “Пахтакор-2”га қарши кечган баҳсда рақиб дарвозасига 3та тўп киритишга муваффақ бўлган.
* Ажаб эмас Ҳаиповни келаси мавсум олий лигада учратиб қолсак.
   
ОГОҲЛАНТИРИШ ВА ЧЕТЛАТИШ
* 7-турнинг бўлиб ўтган 8та ўйинида жами 31 нафар футболчи сариқ карточка билан огоҳлантирилган.
* Ҳар бир ўйинга ўртача 3,875тадан огоҳлантириш демакдир.
* Учрашувларнинг биринчи бўлимида 16та сариқ карточка кузатилди.
* Иккинчи таймда эса ҳакамлар яна 15та футболчи огоҳлантирилган.
* Сариқ карточкаларнинг 13таси мезбон жамоалар ҳисобига ёзилган.
* Қолган 18та сариқ карточка эса меҳмонлар томон кўрсатилган.
* Мазкур турда энг кўп сариқ карточка олган жамоа “Хотира-79” бўлди, 4та!
* Аксинча “Орол” бу борада бошқаларга намуна кўрсатди. Нукусликлар бу турда бирорта ҳам сариқ карточка олмаган.
* Турнинг энг қўпол ўйини ҳам “Машъал-2” – “Хотира-79” (2:1) баҳси бўлди. Бош ҳакам Дилшод Каримов шу куни жами 6 нафар ўйинчини сариқ карточка билан “сийлади”.
* Шунингдек 7-турда 2 нафар ўйинчига қизил карточка кўрсатилди. Аввалига “Шердор” билан баҳсдан сўнг “Оқ-тепа” аъзоси Сергей Рекун четлатилган бўлса, эртаси куни “Истиқлол” ҳужумчиси Шохруз Норхонов кетма-кет икки бор сариқ карточка олиб, майдонни барвақт тарк этишга мажбур бўлди.
* Мазкур футболчилар энди навбатдаги турда жамоасига ёрдам бера олмайди.
   
МУХЛИСЛАР
* 7-тур ўйинларига жами 6687 нафар томошабин ташриф буюрган.
* Ҳар бир учрашувга ўртача 835тадан мухлис демакдир.
* Энг кўп ишқибоз Нукусда қайд этилди. “Орол” – “Пахтакор-2” баҳсини стадионда 2135та мухлис бевосита кузатиб боргани ўйин қайдномасида ёзиб кўрсатилган.
* Бу борада аксинча натижа қайд этган ўйин “Шердор” – “Оқ-тепа” бўлди.

Томошабинлар ташрифи кимда қандай?
«Шердор»  – «Оқ-тепа»  – 0:0. 78 томошабин.
«Аланга» – «НБУ-Осиё» – 1:2. 152 томошабин.
«Хоразм» – «Истиқлол» – 2:2. 357 томошабин.
«Орол» – «Пахтакор-2» – 7:0. 2135 томошабин.
«Шўртан» – «УзДонгЖу» – 3:1. 825 томошабин.
«Машъал-2» – «Хотира-79» – 2:1. 163 томошабин.
«Зомин» – «Обод» – 0:1. 1855 томошабин.
«Ғаллакор-Автомобильчи» – «Қўқон-1912» – 2:3. 1122 томошабин.


ТУРНИР ЖАДВАЛИ

#	Жамоа	Ў	Ю	Д	М	УГ - ЎГ	Т-Н	Очк
1	Шўртан	21	18	1	2	65 - 11	54	55
2	Қўқон-1912	21	15	2	4	46 - 21	25	47
3	Оқ-тепа	21	12	4	5	45 - 30	15	40
4	Обод	21	12	2	7	35 - 26	9	38
5	УзДонгЖу	21	11	1	9	31 - 28	3	34
6	НБУ-Осиё	21	10	4	7	40 - 32	8	34
7	Машъал-2	21	9	3	9	17 - 29	-12	30
8	Зомин	21	8	6	7	30 - 23	7	30
9	Орол	21	8	4	9	26 - 23	3	28
10	Пахтакор-2	21	7	4	10	37 - 46	-9	25
11	Аланга	21	7	4	10	27 - 37	-10	25
12	Хоразм	21	6	7	8	26 - 31	-5	25
13	Хотира-79	21	5	5	11	26 - 37	-11	20
14	Шердор	21	5	5	11	13 - 36	-23	20
15	Истиқлол	21	6	1	14	44 - 56	-12	19
16	Ғаллакор Автомобилчи	21	1	3	17	22 - 64	-42	6

8-ТУРДА УЧРАШАДИЛАР
17 сентябрь (чоршанба)
“Аланга” – “Оқ-тепа”
“Шердор” – “НБУ-Осиё”
18 сентябрь (пайшанба)
“Орол” – “Истиқлол”
“Хоразм” – “Пахтакор-2”
“Машъал-2” – “УзДонгЖу”
“Шўртан” – “Хотира-79”
“Ғаллакор-Автомобилчи – “Обод”
“Зомин” – “Қўқон-1912”


Исломбек Рустамбеков тайёрлади.