UZ

Сўнгги янгиликлар

15:46"Челси" Сатпаевни ижарага беришни режалаштирмоқда  0 15:19"Голсиз артиллерия": "Монако"дан антирекорд  0 14:57"Пахтакор" академияси энг яхши мактаблар юзталигига кирди  1 14:52Куртуа "Реал" сафидаги юбилей ўйинини ўтказди  0 14:25"Андижон" Баҳрайн жамоаси билан дуранг ўйнаган баҳсдан ГАЛЕРЕЯ  0 14:00"Милан" ҳимоячиси билан янги шартнома борасида музокаралар олиб бормоқда  0 13:32"Ливерпуль" Салоҳни 12 ўйинга йўқотиши мумкин  2 13:03Суперлига. 26-тур дисквалификациялари: "Пахтакор", "Сўғдиёна" ва "Шўртан"да йўқотишлар мавжуд  0 12:34Слот "Ливерпул"нинг 2 футболчиси жароҳат олганини маълум қилди  0 12:06Ўзбек клубларининг бағрига шамол тегадиган бўлдими?   3 11:48Антони ЙТҲда ҳалок бўлди  5 11:22Ла Лига президенти Хавьер Тебас "Барселона"нинг АҚШдаги ўйини бекор қилингани ҳақида кескин баёнот берди  5 10:30ОФК адолатсиз ташкилотми ёхуд нега Япония ОФКни тарк этмоқчи?  6 09:41Sofascore. Шомуродов кечаги учрашувда неча баҳога лойиқ кўрилди?  3 09:17Суперлига. Бугун навбатдаги турга старт берилади  6

Бир ўйин тарихи. 2001 йилги “Мердека” кубоги, Ҳамидуллаевнинг олтин голи, Сейткамоловнинг порлаши Янгиликлар

Бир ўйин тарихи. 2001 йилги “Мердека” кубоги, Ҳамидуллаевнинг олтин голи, Сейткамоловнинг порлаши

2000 йилдан сўнг футболимизда катта ўзгаришлар, кенг ҳажмдаги ислоҳотлар даври бошланди.

Федерация тепасига келган Баҳтиёр Раҳимов биринчи галда терма жамоа базасидаги ташкилий ишларни ва молиявий муаммоларни ҳал қилди. Жамоага Россиядан Владимир Сальковни таклиф қилди. Натижада яхши савиядаги рақиблар, Европа жамоалари билан ўртоқлик учрашувлари ташкил этила бошланди. Катта нуфуздаги халқаро турнирларга сафарлар уюштирилди. Улардан бири Малайзияда ташкил этилган “Мердека” кубогидир. Бугун анънамиздан бироз четга чиққан ҳолда битта учрашувни эмас балки, ушбу мусобақадаги барча ўйинларни қисқача ёдга оламиз.
Мазкур турнирда кўпчилик ёши катта мухлисларга таниш бўлган Баҳодир Сейткамолов, Баҳодир Аннаматов, Рашид Ғофуров, Анвар Бердиев каби футболчилар ҳам қатнашган.

Бош мураббий таркибга етакчи футболчиларни жалб қилмайди ва сафарга асосан захира вакиллари, маҳаллий футболчиларни олиб боради. ЖЧ-2002 саралаши иккинчи босқичи олдидан ташкил этилган ўртоқлик турнирида вакилларимиз учта ўйинда қатнашишган. Дастлабки баҳс Ҳиндистон терма жамоасига қарши ўтказилган бўлиб унда жамоамиз кичик 2:1 ҳисобида ғалаба қозонишган. Голларга эса Бахтиёр Ҳамидуллаев ва Анвар Бердиев муаллифлик қилишган.

Ҳиндистон – Ўзбекистон 1:2
Голлар:
Вижаян Инвалаппил Мани 45 – Бахтиёр Ҳамидуллаев 19, Анвар Бердиев 33.
Ўзбекистон: Евгений Сафонов, Олег Собиров, Асрор Алиқулов, Леонид Кошелев (Баҳодир Сейткамолов, 46), Андрей Власичев, Александр Хвостунов, Баҳодир Аннаматов, Февзи Давлетов, Анвар Бердиев, Анвар Солиев, Бахтиёр Ҳамидуллаев (Неъматулла Қуттибоев, 70)


Ярим финалда футболчиларимиз Баҳрайн қаршилигини енгишди. Асосий вақтнинг сўнгги дақиқаларида Баҳодир Сейткамолов дубль расмийлаштириб ғалаба келтирганди. Маълумот ўрнида айтиб ўтиш жоизки, махоратли футболчи фаолияти давомида “Чилонзор”, “Металлург”, “Навбаҳор”, “Пахтакор” каби клубларда тўп тепди. Мердека кубоги уни оммага танитганди.

Ярим финал
Ўзбекистон – Баҳрайн 2:0
Голлар:
Баҳодир Сейткамолов 89, 90.
Ўзбекистон: Олег Беляков, Бахтиёр Ашурматов, Олег Собиров, Илья Кликунов (Леонид Кошелев, 72), Баҳодир Сейткамолов, Александр Хвостунов, Рашид Ғофуров, Андрей Власичев, Февзи Давлетов, Неъматулла Қуттибоев (Анвар Солиев, 33), Бахтиёр Ҳамидуллаев (Баҳодир Аннаматов, 90)


Ҳал қилувчи ўйинда ҳамюртларимизга Европа вакили бўлган Босния ва Герцоговина рақиблик қилган. 84-дақиқада Леонид Кошелев ажойиб зарбаси билан рақиб дарвозаси тўрини титратади. Аммо, ҳакам томонидан асосий вақтга қўшиб берилган дақиқаларда Велимир Браснич Сафонов қўриқлаётган дарвозани ишғол қилади ва мувозанатни тиклайди. Қўшимча экстра таймлар якунланишига бир дақиқа қолганида Бахтиёр Ҳамидуллаев олтин голни уриб Ўзбекистонга мусобақа ғолиблигини олиб берганди. Шу куни ҳакам боснияликларнинг уч футболчисини, бизникилардан бир футболчи Бахтиёр Ашурматовни майдондан четлатганди.


Финал
Ўзбекистон - Босния ва Герцоговина 2:1
Голлар
: Леонид Кошелев 84, Баҳтиёр Ҳамидуллаев 119 - Велимир Браснич 90+1.
Ўзбекистон: Евгений Сафонов, Бахтиёр Ашурматов, Олег Собиров (Баҳодир Аннаматов, 35), Асрор Алиқулов, Илья Кликунов (Леонид Кошелев, 80), Баҳодир Сейткамолов, Александр Хвостунов, Андрей Власичев, Февзи Давлетов, Анвар Солиев (Рашид Ғофуров, 75), Баҳтиёр Ҳамидуллаев.


Абдулазиз Искандаров тайёрлади

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика