Бир гуруҳ футбол мухлислари МТЖни қўллаб-қувватлаш мақсадида Ар-Риёдга йўл олишди

ЎФА вакили Абдураҳмон Фозилов бошчилигидаги бир гуруҳ ўзбек футболи мухлислари Саудия Арабистонининг пойтахти Ар-Риёд шаҳрига йўл олишди. Унинг бизга маълум қилишича, гуруҳ аъзолари AstraZeneca вакцинаси билан эмланишган, сабаби бу Саудия Арабистонига кириш, хусусан футбол ўйинига ташриф буюриш учун шарт. Қайд этиш керакки, мухлислар ўз ҳисобларидан Ўзбекистон МТЖсини қўллаб-қувватлаш учун йўлга чиқишган.

Эслатиб ўтамиз, Ўзбекистон терма жамоаси эртага Тошкент вақти билан соат 23:00да Сингапурга қарши ўйинни бошлайди. Баҳс "Қирол Фаҳд" стадионида бўлиб ўтади.