Биласизми? "Нефтчи" бу йил янги футболчиларга кўтарма пули бермади

- Бу йил "Нефтчи" сафига келиб қўшилган Игорь Петковичга 200 миллион сўм кўтарма пули берилгани ҳақида айтилмоқда. Шу ва умуман бу йилги кўтарма пуллари ҳақида тўхталиб ўтсангиз?

- Дарҳақиқат ўша мақолада шу ҳақда ёзиб ўтилган. Лекин бунга шундай жавоб бериш мумкинки, бу йил таркибимизга янги келиб қўшилган футболчиларнинг бирортасига кўтарма пули берилмаган. Ҳаттоки хорижлик ўйинчилар учун ҳам. Лекин биз футболчиларга жамоа олдига қўйилган вазифа бажирилса бонус беришни айтдик.

- Сир эмаски мамлакатимиздаги бошқа клублар янги келаётган ўйинчиларга маълум миқдорда кўтарма пулларини беришмоқда. Айтингчи, "Нефтчи" клуби тажрибали ва легионер футболчиларнинг олиб келаётганда бу кўтарма пулларини қандай бекор қилди. Демоқчиманки футболчилар сизлар вада қилган бонусга қай тариқа ишонишди?

- Футболчиларни жамоага мураббийлар штаби таклиф этади. Уларга эса футбол агентлари тавсия қилади. Агарда мураббий мана бу ўйинчи бизга керак, бунинг учун у билан шартнома имзолаш кераклигини айтса, раҳбар сифатида мен ўша футболчи билан шартнома тузаман. Янги ўйинчиларни кўтарма пулисиз қай тарзда жамоага олиб келиб ўйнатиш эса бу клубни ички сири бўлиши керак. Асосийси клуб ва футболчи ўртасида ўзаро ишонч юзага келган.

Исломбек РУСТАМБЕКОВ.