"Реал" буюк клуб ва ундан доимо кўпроқ ғалаба ва совринлар кутишади. Биз тўртта соврин қўлга киритдик, бу яхши натижа, аммо кўпроғини истаймиз. "Реал"га ўтганимдан сўнг кўплаб яхши воқеалар бўлиб ўтди. Премьер-лигада жамоалар кўпинчи ёриб ўтишлар ёрдамида ҳужум қилишади, Испанияда эса тўпга эгалик қилишга катта эътибор беришади. Ҳужумни якунлаш каби бу борада ҳам ўсдим деб ўйлайман. Яна ўрганишим керак бўлган кўп нарсалар бор.
Клубга келганимда президент мени 10-Чемпионлар лигаси Кубоги учун харид қилганини айтган эди. "Реал"га Чемпионлар лигасида ўйнаш ва ғалаба қозониш учун ўтганман. Дебют мавсумимда бу содир бўлганидан жуда хурсандман. Совринни Мадридда мухлислар билан нишонлаганимизни яхши эслайман. Ҳаммаси ажойиб бўлганди" - дейди Бэйл.
