Бу ҳақда Sport.es хабар берди.
22 ёшли Беллингем Мадриднинг энг қиммат туманларидан бири Ла Моралехада ҳар бири 16 млн евродан бўлган иккита кошона сотиб олди, бу эса жами 32 млн еврони ташкил этади.
Уйлар Қироллик гольф-клубига жуда яқин жойлашган. Улардан бири футболчининг уйи бўлса, иккинчиси онаси Денизникидир. Иккала уй ҳам ўта замонавий дизайнда ҳамда боғ ва ҳовузга қараб турган катта панорамали деразаларга эга.
Беллингем ёзда елкасининг такрорий чиқиши туфайли операция қилинганди. У камида октябргача майдонга қайтмайди.
Беллингем ўтган мавсум Испания чемпионатида 31 ўйинда 9 та гол урган ва 6 та голли узатмани амалга оширган эди.
