UZ

Сўнгги янгиликлар

18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  11 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  10 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  3 14:57"Ал Иттиҳод" Педро учун 35 миллион евро таклиф қилди  6 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  15 13:04"Фенербахче" Моуриньюни бош мураббий лавозимидан озод этди  13 12:52Туркманистон бош мураббийи Ровшан Мередов: "Бу савол менга эмас"  19 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  23 11:56Тимур Кападзе Паулу Бенту ҳақида фикр билдирди  38

Бахтиёр Сатторов: «Шердор»нинг мақсади имкон қадар Суперлигага чиқиш» Янгиликлар

Бахтиёр Сатторов: «Шердор»нинг мақсади имкон қадар Суперлигага чиқиш»

Ўзбекистон Кубоги 1/32 финали доирасида Про-Лига аъзоси “Шердор” жамоаси Самарқандда Бухоронинг “Лабса” клуби билан дуранг – 1:1 ҳисобини қайд этиб, пенальтилар сериясида 7:6 натижаси билан кубокнинг 1/16 финал қисмига йўл олди.

Учрашувдан сўнг “Шердор” клуби бош мураббийи Бахтиёр Сатторов ўйин ҳақида фикрларини билдирди.

- Барча самарқандлик мухлисларни янги мавсумнинг бошланиши ва бугунги қийин ва томошабоп ўйиндаги ғалаба билан табриклайман. Ғалабани мухлисларга бағишлаймиз. Биласиз, “Шердор” жамоамизнинг Про-Лигага иштирок этиши маълум бўлганига бир ҳафтадан кўпроқ бўлди. Бунгача эса бизнинг 4 ой давомида Про-Лигада тўп суриш умидида қилган меҳнатларимиз зоя кетмади. Бугунги 120 дақиқалик кубок ўйини камчиликларимизни ҳам кўрсатди, таркибимиз янги мавсумга 90 фоиз тайёр, фақат жисмоний жиҳатдан иш олиб боришимиз керак. Асосийси мавсумни кўтаринки руҳда бошлай олдик. Энди Про-Лига 1-тур ўйинига ҳам пухта тайёргарликни давом эттирамиз.

- “Шердор” бугунги пенальтилар сериясига алоҳида тайёргарлик кўрганмиди?

- Очиғини айтсам, 11 метрлик зарбаларга алоҳида тайёргарлик кўрмагандик. Сабаби ўйин тақдирини асосий вақтда ҳал этишимиз керак эди.

- “Шердор” сингари “Лабса” ҳам Про-Лигада илк бор иштирок этади. Ўйиндан олдин бу жамоани ўрганишга улгурганмидингиз?

- Рақиб жамоанинг “Машъал” билан назорат баҳсидаги таркибини, ўйин услубини имкон қадар матбуот хизматимизнинг маълумотлари асосида ўрганишга интилгандик. “Лабса” жамоаси ҳурматга сазовор рақиб. Таркибида ёш ва тажрибали футболчилар бор экан.

- “Шердор”нинг бу йилги мақсад ва вазифалари нималардан иборат?

- Энг асосий вазифамиз самарқандлик ёш футболчиларни тарбиялаб, уларга имконият бериб, футболчиларни янги даражага олиб чиқиш ҳамда имкон қадар Суперлига баҳсларига йўлланма олишдир. Буни қанчалик амалга оширишимизни вақт кўрсатади. Клубимиз раҳбарияти биздан келажакда барқарор, ҳар йили яхши футболчиларни етказиб берадиган жамоа яратишимиз талабини қўйган. Кубокда бўлгани каби, Про-Лига ўйинларига ҳам маҳаллий футболчиларимиз билан курашиб, мухлисларни хурсанд этишга бел боғлаганмиз.


Усмон Ибодов ёзиб олди.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика