Бахтиёр Ашурматов миш-мишларга ойдинлик киритди ва келажакдаги режасини ошкор қилди

Мазкур вазиятга ойдинлик киритиш мақсадида Бахтиёр Ашурматов билан боғландик.

"Бухоро" жамоасининг собиқ бош мураббийининг таъкидлашича, бу хабарлар ҳеч қандай асосга эга эмас. Яъни, Ашурматов миш-мишларни тўлиқ инкор этди ҳамда келажакда ўз олдига юқори мақсадларни қўядиган жамоада узоқ муддат ишлаш режаси борлигини яширмади.

"Бу янгилик ҳеч қандай асосга эга эмас.Тўғри, "Навбаҳор" жамоасига меҳрим бошқача. Лекин у ерда айни пайтда мураббий ишламоқда. Ҳозирча ҳеч қайси жамоадан таклиф бўлгани йўқ. Айни дамда уйдаман. Фарзандларимга, оиламга кўпроқ вақт ажратиш имкони бўлганидан фойдаланяпман.Ўғилларимни футбол машғулотларига олиб боряпман. Буёғига мен ўз олдига юқори мақсад кўйган жамоадан таклиф бўлса, ўша ерда камида 3-4 йил ишламоқчиман. Энди ўйламасдан қарор қилишга, хато қилишга ҳаққим йўқ", - деди Бахтиёр Ашурматов.

Эслатиб ўтамиз, ўтган йили "Бухоро"да ёрдамчи мураббий сифатида ишлаган ва мавсум ўртасидаги АГМК рулига ўтирганг Ашурматов олмалиқликлар билан Ўзбекистон Кубогида зафар қучганди.

Жорий мавсумни эса "Бухоро" бош мураббийи сифатида бошлаган Ашурматов 8-турдан сўнг истеъфога чиқишни маъқул кўрди ва айни пайтда эркин агент мақомида.