UZ

Сўнгги янгиликлар

11:39МЮ АПЛ ва Бундеслига юлдузлари билан ҳужумни кучайтирмоқчи  0 11:15Ўзбекистон U-17 терма жамоаси Англия билан ўйнайди!  2 10:54"Челси" 19 ёшли футболчининг трансфери учун 43 миллион сарфлайди  1 10:23"Қўқон-1912" футболчиси Ироқ клуби билан шартнома имзолади  2 09:58Ўртоқлик учрашуви. МЮ АҚШда йирик ҳисобда ғалаба қозонди  2 09:27Нима? "Ал Насср" Россия чемпионатида тўп сураётган футболчига 70 миллион евро бермоқчи  4 08:58Пролига. "Олимпик" 7 нафар футболчи билан шартнома имзолади  1 08:30Аббосбек Файзуллаев янги жамоасида машғулотларни бошлаб юборди  11 08:25Лига Кубоги. "Интер Майами" ғалаба қозонди, Месси ўз ҳисобига иккита голли узатма ёздириб қўйди  6 08:01"Андижон" трансфернинг сўнггида яна икки нафар футболчи билан шартнома тузди  3 07:34"Навбаҳор" икки нафар "Олимпик"нинг собиқ футболчилари билан шартнома имзолади  1 03:15Равшан Эрматов билан дуч келган мундиалда майдонга тушиш учун пул тўлаган, "Атлетико Мадрид" либосини кийган ҳамда Арманистонда рекордлар қайд этган "Насаф"нинг янги легионери билан яқиндан танишамиз   2 00:40"Барселона" бош мураббийи Флик: "Рэшфордни кўп йиллардан бери кузатиб келаяпман"  3 00:16Куртуа фаолиятини якунлагандан сўнг пойгаларда қатнашиш истагини билдирди  1 00:07Ўзбекистонда трансфер ойнаси расман ёпилди  8

Бахтиёр Ашурматов: "Бундан кейин ҳам юракдан ишлашга тайёрман" Янгиликлар

Бахтиёр Ашурматов: "Бундан кейин ҳам юракдан ишлашга тайёрман"

Сoca Cola Суперлига 25-тур доирасидаги “Андижон” – “Қўқон-1912” учрашувидан кейинги матбуот анжуманининг биринчи қисмида меҳмонлар устози Бахтиёр Ашурматов иштирок этди.

- Гапни очиғи, бугунги ўйиннинг аҳамияти биз учун баланд эди. Бугунги баҳс “Пахтакор” ва бошқа кучли жамоалар билан бўладиган учрашувлардан ҳам муҳимроқ эди. Боиси, ўйиндан олдин “Қўқон-1912” жамоаси “дерби”да рақибларга ёрдам бериши мумкин, деган гап-сўзлар ҳам кўпайиб кетганди. Худога шукрки, юзимиз ёруқ бўлди, бугун ғалаба қозондик ва гап-сўзлар асоссиз эканлигини истобладик. Йигитларга бугун жамоамиз ва мухлисларимиз шаъни учун ҳам майдонда борларини бериб ҳаракат қилишларини айтгандик. Улар кўрсатмаларимизни тўлиқ бажаришди. Мураббийлар штаби учун муҳим бўлган баҳсда ғалаба қозонишди. Биз бугунги ўйинимиз билан шу нарсани кўрсатиб бердикки, танлаган йўлимиздан адашмадик. Мағлубиятга учраган ва ғалаба қозонган баҳсларда ҳам ҳалол ва виждонан ҳаракат қилдик. Йигитларга катта миннатдорчилик билдираман, майдонда борларини бериб ҳаракат қилишгани учун. “Пахтакор” ва “Локомотив” билан бўлган ўйинларда ҳам бугунгидек ҳаяжонланмаган эдим.

Бевосита ўйин ҳақида тўхталадиган бўлсак, беллашув “Дерби”га хос шиддатли тарзда ўтди. “Андижон” учун бугунги баҳснинг аҳамияти жуда юқори эди. Аммо бугун омад бизга кулиб боқди. Жанговор ўйинлари учун рақибларимизга раҳмат айтаман. “Андижон” мен учун бегона эмас, бу ерда ишлаганман жамоага бефарқ эмасман. Ўйлайманки, “Андижон” суперлигадаги ўрнини сақлаб қолади. Бугун жамоанинг асосий рақиблари ҳам мағлубиятга учради.

Охирги турда ким кучли бўлса ўша жамоа Суперлигада қолсин. Ҳамма жамоаларга омад тилайман. Кучлилар сафида қолишига тилакдошман.

Иван Йосович бизнинг бу йилги мавсумдаги омадли трансферларимиздан бири бўлди. У йигит камтар ва жамоамизга тез киришиб кетди. Майдонда ҳам ўз ўйини билан мухлислар меҳрини қозонишга эришди. Райевац эса барқарор ўйнай олмади. Эҳтимол бунга чемпионат пайтидаги узилишлар сабаб бўлгандир. Бугунги ўйин олдидан икки футболчига уйларига кетишга рўхсат бердик. Улар 11 ой давомида ватанларига боришмаганди. Қолаверса, бугунги баҳсда майдонга туша олишмасди.

“Қўқон-1912” жамоаси ўз олдига қўйган мақсадидан юқори сакрашга эришди. Жамоа олдинги мавсумларда афсуски, кучлилар сафида қолиш учун курашарди. Бу йил ана шундай ҳолатлар юз бермаслиги шартлигини раҳбариятимиз айтишганди. Мавсум охирини бехавотир ўтказайлик деган гаплар бўлганди. Ўша суҳбатдан кейин селекцияни яхши олиб борсак, юқорироқ ўринларни олиш мумкинлига ишонгандим. Биз ўз олдимизга юқорироқ мақсад қўйгандик. Қайсидир жиҳатдан буни уддаладик. Қайсидир жиҳатдан буни уддалай олмадик. Биз учинчи ўринни ҳам олишимиз мумкин эди. Афсуски, айрим ўйинларда йўқотган очколаримиз бизга панд берди. Мавсумдаги натижамиздан юз фоиз қониқмадим. Чунки, бу йигитлар билан бунданда юқори ўринлар учун курашишимиз мумкин эди.

Музаффар Музаффаров узоқ вақт жароҳатини тиклаш билан банд бўлди. Ўз формасини тиклашигача унинг рақобатчилари эса ўзларини кўрсатишди. Шундай бўлса-да, Музаффаров доим бизга ёрдам беришга тайёр эди. Ҳали мавсум якунлагани йўқ ва у яна майдонга тушиши мумкин. Музаффаров кучли, савияли футболчи ва уни ўз сафида кўришни истайдиган мураббийлар кўп деб ўйлайман.

Шартномам бир йилга мўлжалланган. Лекин менинг приципим ишонч асосида ишлаш. Менга клуб раҳбарлари қанча имконият беришса шунча ишлашга тайёрман. Ўзим қўқонликман ва ҳеч қандай фактор роль ўйнамайди. Бундан кейин ҳам юракдан ишлашга тайёрман. Бу йилги таркибимизга яна бир нечта тажрибали ўйинчиларни қўшиб олсак, бундан ҳам юқори ўринларни қўлга кирита оламиз.

Кубокда имконсиз нарса йўқлигини бир неча марта гувоҳ бўлганмиз. АГМК билан биз кубокни қўлга киритганимиз бунга яққол мисол бўла олади. Кубокда ҳам жамоамиз кўп нарсага қодир. Лекин шуни ҳам айтиш жоизки, айни дамда жамоамизда катта йўқотишлар бор. Шуни ҳам инобатга олиш лозим. Аммо бу баҳона бўла олмайди ва биз кубок баҳсларида ҳам яхши натижаларга эришишга ҳаракат қиламиз.



Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика