UZ

Сўнгги янгиликлар

01:57Ла Лига. Арда Гюлер "Реал"га ғалаба тақдим қилди!  54 01:40Меҳди Тареми Италия чемпиони сафига қўшилади! (Фабрицио Романо)  1 01:24Арда Гюлер ажойиб натижа қайд этмоқда  0 01:12"Арне Слот – "Ливерпул"нинг янги бош мураббийи!" – Фабрицио Романо  6 00:55Жасур Жалолиддинов: "Бу жамоа билан анча олдин бошланган ўзаро ҳисоб-китобимиз бор эди"  4 00:45U-23 Осиё кубоги. Ироқ минимал ҳисобда Вьетнамни енгди ва ярим финалга йўл олди. Кейинги рақиб – Япония  18 00:40U-23 Осиё кубоги. Ўзбекистон - Саудия Арабистони 2:0  4 00:25Хосе Венансио Лопес Эронга қарши учрашувдан кейин қандай фикрлар билдирди?  5 23:46"Персеполис" Ўрунов гол урган ўйинда пенальтилар сериясида мағлубиятга учраб, Эрон кубогини тарк этди  4 23:20Саудия чемпионати. "Ал Ҳилол" - "Ал Фатех" 3:1   1 23:15Футзал бўйича Осиё Кубоги. Таиланд - Тожикистон 3:3 (пенальтилар 6:5)  0 23:10Футзал бўйича Осиё Кубоги. Вьетнам - Қирғиз Республикаси 2:3  0 22:58Ўзбекистон олимпия терма жамоаси бош мураббийи Тимур Кападзе Саудия Арабистони устидан қозонилган ғалабадан сўнг (2:0) нималар деди? (тўлиқ матбуот анжумани)  40 22:11Ўзбекистон футзал термаси Осиё кубоги бронза медали учун Тожикистонга қарши ўйнайди (турнир сеткаси)  6 21:35Футзал бўйича Осиё Кубоги. Ўзбекистон финал остонасида Эронга пенальтилар сериясида мағлуб бўлди  95

Бахтиёр Ашурматов: "Аҳил жамоа туза олдик" Янгиликлар

Бахтиёр Ашурматов: "Аҳил жамоа туза олдик"

Coca Cola Суперлигаси 8-тури доирасида АГМКдан учралган мағлубиятдан кейин "Қўқон-1912" бош мураббийи Бахтиёр Ашурматов ўз фикрларини билдириб ўтди.

- Кайфиятим яхши эмас. Чунки биринчи бўлимни ёмон ўтказмадик. Иккинчи таймни ҳам унчалик ёмон бошламагандик. Лекин Санжар Турсунов ушбу мавсумни безайдиган гол муаллифига айланди ва бу гол ўйин тақдирини ҳал қилди деб ўйлайман. Охиригача курашишгани учун йигитларга ҳам миннатдорлик билдираман. Ҳеч бўлмаса дуранг учун ўйнашди, афсуски биздан омад юз ўгирди. 

- "Қўқон-1912" яхши старт олди. Гарчи бугун мағлуб этилган бўлса-да, жамоа турнир жадвалида юқори ўринлар учун курашмоқда. Умуман олганда қисқа давр мобайнида шундай рақобатбардош жамоа тузиш қанчалик даражада қийин бўлди?
- Биз аҳил жамоа туза олдик. Бугун ўйиндан олдин кийиниш хонасида йигитларга уйдаги ғалабалар билан юқори марраларга эришиш қийинлигини айтгандим. Тўғри, ҳозирда турнир жадвалида юқори ўринлардамиз, лекин бизнинг асосий рақобатчимиз бўлган АГМКга мағлуб бўлдик. Агарда чемпионатда юқори поғоналар учун курашмоқчи бўлсак, шундай ўйинларда ютишимиз керак бўлади. Бугун ҳам ёмон ўйнамадик. Яхши ўйин билан бир қаторда натижани ҳам яхшилаб кетишимиз керак. Шу орқали биз мавсум якунида юқори ўринларда бўламиз. Умуман олганда йигитларнинг психологиясини ўзгартиришга муваффақ бўлдик. Сўнгги йилларда "Қўқон-1912" жамоаси, афсуски, Суперлигадан тушиб кетмаслик мақсадида курашаётганди. Футболчиларда ишонч юқорилиги боис, Ўзбекистоннинг энг кучли жамоаларидан бири, таркиби ҳам, захираси ҳам кучли юқори савияли футболчилардан ташкил топган АГМКга 0:2 ҳисобида имкониятни бой бераётган пайтда ҳам синиб қолмадик. Мавсум якунида юқори ўринларда бўлишни жуда ҳам истаймиз. Бунинг учун ҳозирги олган стартимизни сақлаб қолишимиз керак бўлади. Меҳмондаги ўйинларда ҳам нафақат дуранг, балки ғалаба учун ҳам курашишимиз керак бўлади.

- Бугун марказда Иқбол Маликжонов ўйнади, Рўзиевни эса бироз ўнгроққа сурдингиз. Негадир бугун Қувондиқ ўзини яхши ҳис қилмагандек кўринди.
- Гапни очиғи, АГМКнинг ўйинларини кўриб чиққанимизда, таркибда Баҳром Абдураҳимов, Санжур Турсунов, Эркин Бойдуллаев каби футболчилар марказда ҳаракат қилаётганди. Шу боисдан биз таянч ярим ҳимоямизни кучайтириш мақсадида Иқбол Маликжоновни таркибга киритишга қарор қилдик. Иқбол ҳам ёмон ўйнамади. Умуман олганда танлаган таркибимиз ўзини оқламади дейишдан йироқман. Чунки жамоа ёмон ўйин кўрсатмади. Балки бундан-да яхшироқ ўйнаш мумкиндир. Ўтган мавсумда Қувондиқ кўплаб учрашувларни ўнг қанот ярим ҳимоясида ўтказган. Юқорида айтиб ўтганимдек, бугунги ўйин тақдирини иккинчи гол ҳал қилди.

- "Қўқон-1912"нинг олдига аниқ бир мақсад қўйилганми ёки жамоа юқори ўринлар учун курашадими?
- Раҳбарият билан гаплашганимизда аввалига ўтган йиллар давомида бўлаётган муваффақиятсизликларни енгиб ўтиб, таркибни босқичма-босқич шакллантириб бориш ва кейинчалик юқори ўринлар учун курашишимизни айтишганди. Сўнгра Осиё чемпионлар лигаси йўлланмаси учун рақобатбардош жамоа тузмоқчимиз. Жамоада рақобатни ошириш учун шунга яраша кучли футболчилар бўлиши керак ва шу боисдан босқичма-босқич бунга эриша оламиз. Жамоани қабул қилиб олганимда менга 3-ўринни олиш ёки ОЧЛга чиқиш каби конкрет вазифа қўйилмаган. Асосийси шундаки, биз "Қўқон-1912"ни юқори ўринлар учун кураша оладиган рақобатбардош жамоа қилишни келишиб олгандик. Балки бунга эришаётгандирмиз. Тўғри, энди 8 тур ўтди. Аммо кўриниб турибдики, жамоамиз қуйи ўринлар учун курашмайди. Ҳозир биринчи давра тугаб, трансферлар ойнаси очилишини кутяпман. Чунки ҳозирда айрим камчиликларимиз бор. Шуларни тўлдириб, рақобатни кучайтириб, турнир жадвалида юқори поғоналарда бўлиш учун курашишни истаймиз. Футболчиларимнинг салоҳияти, маҳорати билан биз ушбу мавсумнинг ўзидаёқ тепадаги ўринлардан бирини эгалламоқчимиз.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика