"Бавария" "Порту" дарвозабонига даъвогар

"Порту" дарвозабони Диогу Кошта Бундеслигага ўтиши мумкин.

CNN Portugal журналисти Бруну Андраденинг ёзишича, футболчига январда дарвозабон ўрнини мустаҳкамламоқчи бўлган, бироқ керак бўлса, ёзгача кутишга тайёр "Бавария" қизиқмоқда.

Кошта – мюнхенликлар энг маъқул кўраётган номзодлардан бири.

Португалия терма жамоаси футболчисининг шартномаси 2027 йилгача мўлжалланган, товон пули 75 миллион еврони ташкил қилади.

Диогу ЖЧ-2022да Португалия терма жамоасининг асосий дарвозабони бўлди ва барча 5 та ўйинда майдонга тушди.

Жорий мавсумда Кошта чемпионатда 15 та ўйин ўтказди ва 10 та гол ўтказиб юборди.