"Бавария" Перишич учун 20 миллион евро тўлашга тайёр эмас
15 май 2020 13:15
Янгиликлар

"Бавария" Перишич учун 20 миллион евро тўлашга тайёр эмас

Трансфер ҳуқуқи "Интер"га тегишли бўлган "Бавария" ярим ҳимоячиси Иван Перишич А Серияга қайтишга яқин.

Хабарларга кўра, Мюнхен гранди клублар томонидан бир йил олдин тузилган битимда кўрсатилганидек 31 ёшли хорватни 20 миллион еврога харид қилиш борасидаги бандни фаоллаштирмоқчи эмас.

Шунга қарамай, "Бавария" ва "Интер" яқин орада Перишич борасида музокаралар олиб боради. Миланликлар Перишични арзонроқ бериб юборишга рози бўлса, Перишич Германияда қолади.

Футболчи жорий мавсум мюнхенликлар сафида 22та ўйинда майдонга тушиб, 5та гол ва 8та ассист қайд этган.

Ҳавола :

Манба : twitter.com/NicoSchira

Янгиликларни Телеграмда ўқинг!

Рейтинг: +2