"Бавария" Меньян учун "Челси" билан рақобатлашади
13 ноя 2025 19:34
Янгиликлар

"Бавария" Меньян учун "Челси" билан рақобатлашади

"Бавария" узоқ вақтдан бери "Челси"нинг диққат марказида бўлган "Милан" дарвозабони Майк Меньянни сотиб олмоқчи.

"La Gazzetta dello Sport" нашрининг хабар беришича, "Челси" ва "Бавария" Франция терма жамоаси футболчиси бўйича фаол музокаралар олиб бормоқда.

"Бавария" яқинда фаолиятини тугатиши кутилаётган Мануэль Нойернинг ўрнини босадиган дарвозабон қидирмоқда, "Челси" эса янги дарвозабонга жуда муҳтож.

Меньян қулай вазиятда: унинг "Милан" билан шартномаси шу ёзда тугайди ва клуб янги шартнома имзолашга шошилмаяпти, бу эса Европанинг элит клубларидан бирига ўтиш эҳтимоли ҳар қачонгидан юқорилигини англатади.

Посбон жорий мавсум 11 ўйинда майдонга тушиб, 6 ўйинда дарвозаси дахлсизлигини сақлади.

Ҳавола :

Манба : La Gazzetta dello Sport

Янгиликларни Телеграмда ўқинг!

Рейтинг: +4