"Бавария" чилилик ярим ҳимоячи Фелипе Лойолани ўз сафига қўшиб олиш арафасида турибди. TyC Sports журналисти Сезар Луис Мерлонинг хабар беришича, мюнхенликлар "Индепенденте" футболчисининг трансфери бўйича музокараларнинг ҳал қилувчи босқичига етиб келишган. Чили терма жамоаси аъзосини сотиб олиш немис клубига тахминан 20 миллион еврога тушади. Бу маблағнинг ярми "Уачипато" клубига тегади, чунки бу жамоа марказий ярим ҳимоячининг трансфер ҳуқуқларининг 50 фоизига эгалик қилишади.
Жорий мавсумда Лойола Аргентина чемпионатида 14 та ўйинда иштирок этиб, 3 та гол урди ва 2 та голли узатма берди.
