Бартомеу тасдиқлади: "Келаси ҳафтада янги бош мураббий эълон қилинади"

"Қарорлар қабул қилинган. Келаси ҳафтада янги бош мураббийни эълон қиламиз. Бироқ бунга тўлиқ ишонч ҳосил қилиб олишимиз керак. Бугун мияни жойига қўя олмаймиз. Мухлислардан узр сўраймиз. Бу барча ишонадиган "Барселона" эмасди.

"Бавария"ни табриклайман, жамоа бош совринга лойиқ. Биз эса кўп нарсаларни ўзгартиришимиз керак. Мухлислардан яна бир бор узр сўрайман", - деди Бартомеу.

Хабарларга кўра, Бартомеу кеча Маурисио Почеттино билан ресторанда суҳбатлашган. Буни ресторан хўжайинлари тасдиқлашган. Аммо муаммо шундаки, президентлик сайловларида Бартомеу ўз номзодини қўймоқчи эмас. Яъни, бош мураббийни президентлик сайловларида ютиб чиққан янги президент тайинлаши эҳтимоли ҳам бор.