Матьё испан ОАВга интервью бераётиб, ушбу жамоалар ўртасидаги Чемпионлар лигаси гуруҳ босқичининг 2-тур учрашувида Каталония жамоаси дарвозасига гол урса, уни нишонлашини айтди. Франциялик футболчининг сўзларига кўра, у жамоадошларини ҳурмат қилади, бироқ голни "Барселона" президенти Хосеп Мария Бартомеу ва клуб спорт директори Роберт Фернандесга жаҳл қилиб нишонлайди. Бунга Бартомеу ва унинг ёрдамчилари у билан ёмон муносабатда бўлганини сабаб қилиб айтди.
Маълумотларга кўра, Бартомеу ва Фернандес бу сўзлардан ҳайрон бўлди, чунки улар Матьёга ҳеч қандай тазийқ ўтказишмаган.
