"Барселона" ёзда Субимендини бой бериши мумкин

"Кўк-анорранглилар" анчадан буён Серхио Бускетснинг ўрнини тўлдира оладиган муносиб футболчи излаётган эди. Ла Лига вакили "Сосьедад" футболчиси Субименди энг асосий номзод бўлиб келаётганди. "Барса" 23 ёшли ярим ҳимоячини қишда ўз таркибига жалб қилиши мумкин эди. Бироқ испаниялик футболчи ҳозирги жамоаси билан шартнома муддатини узайтирди.

Энди агар "Арсенал" ёзда Субимендининг 60 млн евролик товон пулини тўласа, ёш футболчи ёзда "тўпчилар" футболчисига айланиши мумкин. Субименди ҳозирча янги клубга ўтишга шошилмаяпти. Лекин у Микель Артета билан ишлашни истайди. Бу "Барселона"нинг асосий нишонларидан бирига айрилишини англатади.

Мартин Субименди жорий мавсум испан клуби сафида 23 та ўйинда майдонга тушди ва 1 та гол уриб, 3 та голга ассистентлик қилди.