"Барселона" ярим ҳимоячиси Френки де Йонг мавсум якунига қадар сафдан чиқди, деб хабар бермоқда Sport.es.
Футболчи Испания чемпионатининг 32-туридан ўрин олган "Реал"га қарши ўйинда жиддий жароҳат олди.
Нидерландиялик футболчининг тўпиғи шикастлангани аниқланган. Унинг тикланиши учун тахминан 5 ҳафта керак бўлади.
26 ёшли ярим ҳимоячи ушбу мавсум бошқа майдонга тушмайди. Шу билан бирга, у Европа чемпионатигача тикланиш имкониятига эга.
