"Барселона" Малькомни "Зенит"га сотади
29 июл 2019 17:08
Янгиликлар

"Барселона" Малькомни "Зенит"га сотади

"Барселона" ҳужумчиси Мальком фаолиятини "Зенит"да давом эттиради.

Рус клуби футболчи учун 40 миллион евро таклиф қилди.

Бразилиялик футболчи "Барселона"га ўтган ёзда "Бордо"дан 41 миллион евро эвазига ўтган эди.

Малькомнинг "Барселона" билан тузган шартномаси 2023 йилга қадар мўлжалланган.

Ҳужумчи Бразилиянинг "Коринтианс" клуби тарбияланувчиси ҳисобланади ва фаолиятини айнан шу клубда бошлаган. 2016 йилда Франциянинг "Бордо" клуби футболчини сотиб олган.

Ўтган йилда эса "Барселона" Мальком билан шартнома имзолаган.