Yaqinda polshalikning shartnomasi avtomatik tarzda 2026 yilning yoziga qadar uzaytirildi. 2025/26 yilgi mavsum so'nggida "faxriy" o'yinchi katta ehtimol bilan jamoani tark etadi, shuning uchun klub allaqachon unga o'rinbosar topish haqida bosh qotirmoqda. Kataloniya grandi rahbariyati Liverpuldan Darvin Nunesni ideal nomzod deb hisoblamoqda. Urugvaylik Angliyada o'zini ko'rsata olmadi, shuning uchun u sotuvga qo'yilishi mumkin. Nunesga Saudiya Arabistoni chempionati vakillari ham qiziqish bildirmoqda. Transfermarkt portali 25 yoshli forvardning narxini 65 mln evroga baholamoqda.
