"Барселона" Жорди Альбага ўринбосар 3 нафар футболчини кўриб чиқмоқда

Маълумки, Эрнесто Вальверде "Ла Масия" академияси тарбияланувчиси Хуан Мирандага ишонч билдирмаяпти. Ўнг қанот футболчилари: Нелсон Семеду, Серхи Роберто сингари ўйинчилар ўтган мавсум чап қанотда ўйнашганида ижобий таассурот қолдира олишмади.

AS нашрининг маълумотига кўра, каталонияликлар чап қанот ҳимоячиси позициясини кучайтириш мақсадида 3 та номзодни аниқлашган.

Улардан бири "Бетис" аъзлси Жуниор Фирпо. 22 ёшли ўйинчи ўтган мавсум 29 ўйинда 3 та гол урди. Унинг трансфер нархи 40 миллион еврога баҳоланмоқда.

Иккинчи номзод "Боруссия Дортмунд" вакили Рафаэль Геррейро бўлиб турибди. 25 ёшли португалиялик битта чизиқда ўйнашга мослашган футболчи ҳисобланади: ҳимояда ишончли ҳаракатланади ва ярим ҳимояда ҳам. Унинг германиликлар билан тузган шартномаси кейинги йил ёзда тугайди. Шунинг учун, "Барса" уни 25 миллион евродан кўпига сотиб олишига умид қилмоқда.

Ўтган мавсум Геррейро барча мусобақаларда 32 ўйинда 6 та гол урди. Бундан ташқари, Евро-2016 ва УЕФА Миллатлар лигаси-2019 ғолиби бўлган Португалия терма жамоасининг асосий ўйинчиларидан бири бўла олди.

Сўнгги вариант сифатида бошқа тажрибали ҳимоячи Рикардо Родригес келтирилган. Швейцариялик ҳимоя маркази ва чап қанотида ўйнаши мумкин. Transfermarkt 26 ёшли футболчини 17 миллион еврога баҳолаган. Ўтган мавсум у "Милан" сафида 41 ўйинда 4 та голли узатмани амалга оширди.