"Барселона" клуби футболчиси Илкай Гюндоган Германия терма жамоаси сафида Францияга қарши ўйинда жароҳат олганди. Учрашувнинг 25-дақиқасида тўп учун ҳаводаги курашда қатнашган Илкай ерга тушиш вақтида оёғидан лат еди. Футболчи майдонни йиғлаб тарк этди.
Diario Sport нашрининг ёзишича, "Барселона" клуби Гюндоганнинг жароҳати жиддий эмас деб ҳисобламоқда. Клуб тўлиқ тиббий текширув ўтказади, аммо улар ҳозирча вазиятга оптимистик руҳда қарашмоқда.
