"Барселона" ФИФАдан 6,3 млн. евро олади

Маълумотларга кўра, 20 октябрь куни кутилмаган воқеалар рўй бермаа, "Севилья"га қарши баҳсда "блауграна" қайдномасига Гави киритилади. Ўша куни футболчи Испания терма жамоаси сафида жароҳат олганига 335 кун бўлади.

ФИФА Каталония клубига 6 млн. 328 минг 784 евро ўтказиб бериши керак. 2023 йилнинг 16 декабридан ҳисоблаганда (жароҳатдан кейинги дастлабки 28 кун компенсация программасига киритилмайди) "Барселона"га ҳар кун учун 20 минг 548 евродан компенсация тўлаш керак бўлади.

Испан клуби ўтган мавсум ФИФАдан 4 643 848 евро қабул қилган. Агар Гави "Севилья"га қарши ўйин қайдномасига киритилса, "Барселона" яна 1 684 936 евро олади. Бироқ жароҳат муддати узайса тўланадиган пул ҳам кўпаяди. ФИФА жароҳат учун кўпи билан 7,5 млн. евро тўлаши мумкин.