Bu haqda Sport nashri xabar berdi. Manbaga ko'ra, 26 yoshli ispaniyalik futbolchi Parij klubi bilan muzokaralarning so'nggi bosqichiga kirgan. Kataloniyaliklar uning ketishiga qarshi emas, ammo transfer uchun kamida 50 million evro talab qilmoqda va narxni pasaytirish niyatida emas.
PSJ bosh murabbiyi Luis Enrike markaziy hujum chizig'ini kuchaytirish uchun universal forvard izlamoqda. Ispaniyalik mutaxassis avval ham terma jamoada Ferran Torres bilan birga ishlagan va uning imkoniyatlarini yaxshi biladi.
Hozirgi shartnomasi yana bir yil amal qiladigan Torres bilan yangi bitim bo'yicha muzokaralarda esa yaxshilanish holati ko'rinmayapti.
Avvalroq PSJ bonuslar bilan birga 45 million evro atrofida taklif tayyorlagani haqida xabarlar tarqalgandi. Biroq "Barselona" 50 million evrodan kam mablag'ga futbolchini qo'yib yuborishni istamayotgani aytilmoqda.
Shuningdek, Ferran Torresning ehtimoliy transferi kataloniyaliklarga moliyaviy imkoniyat yaratib, "Atletiko" hujumchisi Xulian Alvaresni sotib olish bo'yicha harakatlarni tezlashtirishi mumkin.
