"Барселона" "Боруссия"га Дембеленинг трансфери учун қўшимча пул тўлайди

Битимда ёзилганидек, "арилар" ушбу маблағни франциялик футболчи Каталония клубида 100та ўйин ўтказганидан сўнг олишади.

Ла Лига 23-тур доирасидаги  "Алавес" (5:1)га қарши ўйин футболчи учун "Барселона" либосида юзинчиси бўлди.

Каталонияликлар 2017 йилнинг августида Дембеле билан 135 миллион евро эвазига шартнома имзолашган эди. 23 ёшли ўйинчи жорий мавсум барча мусобақаларда 26та ўйинда майдонга тушиб, 6та гол ва 4та ассист қайд этди.