"Sport.es" нашрининг хабар қилишича, 21 ёшли футболчи Каталония клубига 2019 йилда кўчиб ўтади. Каталонияликлар Артур Рамоснинг трансфер нархининг бир қисмини яъни 4 миллион еврони ўтказиб бергани аввал хабар қилинганди. Шундай бўлса-да, футболчи жамоа билан шартнома имзолашини кутмоқда. Манбанинг хабарига кўра, "Барселона" Артурнинг трансфери учун ёзда 11 миллион евро тўлайди, қолган 15 миллионни эса январда тўлаши кутилмоқда.
