"Барса" пул ва Ольмонинг келиши сабаб Гюндоганни сотмоқчи. Илкай кетмоқчи эмас (Marca)

33 ёшли ярим ҳимоячи бунга қадар "Валенсия" (2:1)га қарши Ла Лига 1-турида "Барса"нинг таркибига кирмади. Каталония клуби буни жароҳат билан изоҳлади, аммо Marca гап трансфер масаласида эканлигини ёзди.

"Барса" Гюндоганни сотишга тайёр бўлган асосий сабаб маблағдир. Йилига 15 млн евродан ортиқ маош оладиган хавбек кетса, "Барселона" Дани Ольмони рўйхатдан ўтказиши ёки Нико Уильямсни харид қилиши мумкин.

Бундан ташқари, Ольмонинг келиши сабаб Гюндоганнинг ўйин вақтлари қисқаради. Илкайнинг ўзи эса Каталония клубидан кетишни хоҳламаяпти.