Bunyodkor akademiyasi maydonlarida bo'lib o'tgan musobaqada poytaxtimizdagi 21, 22, 23, 30-sonli Mehribonlik uylari tarbiyalanuvchilaridan tashkil topgan jamoalar, Andijon viloyati bolalar-o'smirlar futbol akademiyasi ishtirok etdi. Sakkiz jamoa ikki guruhda g'oliblik uchun kurash olib bordi. O'z guruhlarida dastlabki ikki o'rinni egallagan Andijon viloyati bolalar-o'smirlar futbol akademiyasi va 22, 23, 30-sonli Mehribonlik uylari jamoalari yarim finalga yo'l olishdi.
Final yo'llanmasi uchun kurashda raqiblaridan ustun kelgan 22 va 23-sonli Mehribonlik uyi tarbiyalanuvchilari chempionlik uchun kurashgan bo'lsa, andijonlik bolalar 30-son Mehribonlik uyidan tashrif buyurgan tengqurlari bilan kuch sinashdi. Qiziqarli uchrashuvlardan so'ng andijonlik mehmonlar uchinchi o'rinni o'ziniki qilgan bo'lsa, birinchi o'rin 22-son Mehribonlik uyi tarbiyalanuvchilari nasib qildi.
Mazkur turnirni tashkil qilinishi, o'tkazilishida Sen yolg'iz emassan Respublika jamoatchilik bolalar fondining Harbiy-sport guruhlari kordinatori Polixronidi Ilya Petrovich jonbozlik ko'rsatganini takidlash o'rinli.
