Баҳром Ҳайдаров: "Вазифамиз – жамоани Суперлигада сақлаб қолиш"
20 ноя 2021 19:03
Янгиликлар

Баҳром Ҳайдаров: "Вазифамиз – жамоани Суперлигада сақлаб қолиш"

Теглар : Coca Cola Суперлига "Сурхон"Баҳром Ҳайдаров

Coca-Coca Суперлиганинг 25-туридан ўрин олган "Бунёдкор" - "Сурхон" (3:1) учрашувидан сўнг меҳмонлар бош мураббийи Баҳром Ҳайдаров матбуот анжуманида қатнашди.

- Ўйин ҳақида

- Аввало, "Бунёдкор" жамоасини ғалаба билан табриклайман. Олдимиздаги вазифани бажаришимиз лозим, шу туфайли бир очко ҳам биз учун тиллага тенг. Ўйинга келсак, ҳеч бир футболчимизга эътироз йўқ. Хатоларни кўриб чиқамиз, бизни "Машъал" билан муҳим ўйин кутмоқда.

- Клубга "Eriell" компанияси ҳомийлик қилиши ҳақида гап-сўзлар тарқалди. Бундан хабарингиз борми?

- Хабаримиз бор. Улар кейинги мавсумдан ҳомийлик қилишса керак. Ҳозир биринчи ўриндаги вазифамиз – жамоани Суперлигада сақлаб қолиш.

- Суперлигада жон сақлаш илинжидаги клублар жамоалар сонини 16 тага етказиш тарафдори. Улар бу бўйича хат йўллашаётгани ҳақида маълумотлар бор. Шулар орасида "Сурхон" ҳам борми?

- Бундан хабарим йўқ. Фикримча, футболчи учун қанча кўп ўйин бўлса, ўзини кўрсатишига шунча имконият туғилади. Бу яхши бўларди, мутахассислар кўриб чиқишса керак.

Ҳавола :

Манба : championat.asia

Янгиликларни Телеграмда ўқинг!

Рейтинг: -1