Баҳром Ҳакимов: "Кўп нарса Иорданияга қарши қандай таркиб билан ўйнашга боғлиқ"

- Биласизми учрашувдан олдин тайинли гап айтиш қийин. Рости, Иорданияни ўйинини кўрмаганимга ҳам 8 ой вақт ўтди. Уларнинг бугунги холати қай даражада эканлигини бугунги ўйин кўрсатиб берса ажаб эмас. Миллий терма жамоамиз билан боғлиқ фикрларим ҳам жумбоқ. Сабаби бугун бош мураббий қандай таркибдан фойдаланишини билмаймиз. Ёшлар билан бир қаторда легионерларимиз ҳам чақирилган. Агарда бугун четда ўйнаётган футболчиларни туширса, Иорданияни ютса бўлади. Лекин билишимча легионерларни кейинги ўйинга тушириш имконияти юқори экан.

- Терма жамоада ёшартириш ишларини олиб бориб, жуда яхши иш қилди. Мана энди рақобат янада ошади. Ёшлар ўрнимни эгалламасин деб, легионерлар ҳаракат қилса, ёшлар ўзидан илиқ таассурот қолдириш учун астойдил ишлайди. Табиийки рақобат бор жойда ўсиш кўзга ташланади.

- Терма жамоанинг яқин икки ўйинига таклиф этилган ўйинчилар рўйхати билан танишиб чиқдим. Бу борада бир нима дея олмайман. Ҳаммаси бош мураббий ҳал қилади. Миржалол Қосимов ҳам ижобий натижага эришиш йўлида ишламоқда. Иордания ва Янги Зеландияга қарши ўйинлар орқали Қосимов Осиё чемпионатига борадиган номзодларни яна бир бор кўздан кечириб олиш имкониятига эгадир", - дейди Баҳром Мамажонович.


Исломбек Рустамбеков суҳбатлашди