Баҳрайн терма жамоаси бурчак зарбаларида қандай ҳаракат қилади?

Ўнг қанотдаги барча бурчак зарбаларини бажариш маъсулияти 8-рақамдаги Сайид Аҳмад зиммасида. Тўпни ўнг оёқда кўтаради. Асосан тўпни 11 метрлик нуқта яқинига ташлаб беришга ҳаракат қилади. Яман ва КХДР терма жамоаларига қарши кечган ўйинларнинг биронтасида бурчак зарбалари дарвоза томон йўналтирилмаган. Бу яхши. Азиз Ҳайдаров, Анзур Исмоилов, Ислом Тўхтахўжаев ва Егор Кримец каби футболчиларимиз бу вазиятни терма жамоамиз фойдасига ҳал қила олишади деб ўйлаймиз.

Чап қанотда аниқ штатчи йўқ. Навбати билан (№9) Абдулвохоб Ал Маълуд, (№4) Сайид Дия Шуббар, (№7) Абдулла Аҳмад Ҳаса, (№12) Фаузи Ааиш бурчак зарбаларини амалга оширадилар. Уларнинг бари чап қанотда, чап оёқда бурчак зарбасини Сайид Аҳмад каби бажаради. Фақат бир маротаба (№9) Абдулвохоб Ал Маълуд ўнг қанотдан чап оёқда тўпни дарвозабон турган нуқтага айлантирган.

Нодирхўжа Юлдашев