UZ

Сўнгги янгиликлар

02:32ЛаЛига. "Барселона" Мадридда дуранг ўйнади  12 01:42А Серия. "Интер" ўз майдонида ютқазди, "Лацио"дан йирик ғалаба  1 01:15АПЛ. Эмилиано Мартинес қайдномага киритилмаган ўйинда "Астон Вилла" ўз майдонида йирик ҳисобда ютқазди  0 00:52Давид Райя: "Янги тўплар эскисидан фарқ қилади"  2 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  35 22:55"Севинч" тарих яратди ва ОЧЛга йўлланма олди!  4 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  21 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  40 21:53"Манчестер Юнайтед" янги дарвозабони билан келишувга эришди  10 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1

Баҳодир Шаймардонов: "Менга иккинчи четлатишда хатолик бордек кўринди" Янгиликлар

Баҳодир Шаймардонов: "Менга иккинчи четлатишда хатолик бордек кўринди"

Ўзбекистон кубоги мусобақасининг гуруҳ босқичи 1-туридан ўрин олган "Ғиждувон" - "Қўқон-1912" (0:4) учрашувидан сўнг мезбонлар бош мураббийи Баҳодир Шаймардонов матбуот анжуманида иштирок этди.




Ўйин ҳақида

- Бугун қизиқарли учрашув гувоҳига айландик. "Қўқон-1912" бир неча йиллардан буён Суперлигада ўзини кўрсатиб келаётган жамоа. Бугунги ўйинда Суперлига жамоаларига қарши ўйнашга тайёр эмаслигимиз кўриниб қолди. Хатолар кўпайиб кетди, дарвозабонлар, ҳимоя чизиғи, умуман ҳар бир чизиқда хатоликларга йўл қўйдик. "Қўқон-1912" жамоасига навбатдаги ўйинларда омад тилайман. Ўйинда вазиятлар яратдик, лекин фойдалана олмадик. Хатолар устида ишлаймиз.

- Иккинчи бўлимда жамоангизнинг 2 нафар футболчиси майдондан четлатилди. Бу тажрибасизлик билан боғлиқми ёки чиндан ҳам улар қўпол ўйин намойиш этишдими?

- Биринчи қизил карточка аввалдан шаклланиб келаётганди. Асилбек Мансуров биринчи бўлимда ҳам қўполликлар ишлатди, бош ҳакам уни бир неча бор огоҳлантирилди. Афсуски, у иккинчи бўлимда ҳам қўполлик ишлатиб иккинчи бор сариқ карточка билан жазоланди. Ҳакамларни муҳокама қилиш ниятимиз йўқ, улар ўз мутахассисликларини яхши билишади. Лекин менга иккинчи четлатиш бўйича озроқ хатолик бўлгандек туюлди. Ўша вазият қизил карточкага тортадиган эпизод эмасди деб ўйлайман. Балки ҳакамнинг у футболчида сариқ карточка борлиги хаёлидан кўтарилгандир.

- Бугун легионер футболчи Эстеван Оспинанинг хизматларидан фойдаланмаганингизга сабаб нима?

- Бугун ўйин амалиёти кам бўлган ёш футболчиларни майдонга туширдик. Сабаби уларни кучли рақибга қарши ўйинда тажриба тўплашларини истагандик. Легионер футболчиларни шу сабаб билан захирада қолдирдик. Ўзи бизда вазиятлар у қадар ҳам кўп бўлмади.

- Биринчи бўлимнинг ўзидаёқ ярим ҳимоячи ўрнига ҳимоячини майдонга туширдингиз. Бу ҳисоб яна йириклашиб кетишини олдини олиш учунми?

- Ҳа, биринчи бўлимнинг 22-дақиқасидаёқ биз 3 та тўп фарқи билан ортда қолаётгандик. Шу сабабдан ҳимоя чизиғини кучайтиришга мажбур бўлдик.

- Майдон ҳолати ҳақида фикрингиз қандай?

- Тўғриси, ҳозирда биз ўйнаётган майдонлардан энг идеаллари бу - "Турон" ва "Машъал" жамоаларининг майдонлари. Шу сабабдан майдон холати ҳақида фикрим ижобий.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика