Баҳодир Насимов: “Энг асосийси мухлисларимиз кўз олдида 3 очкони қўлга киритдик”
04 мар 2017 17:12
Янгиликлар

Баҳодир Насимов: “Энг асосийси мухлисларимиз кўз олдида 3 очкони қўлга киритдик”

Жанубия Кореянинг “Ансан Гринерс” жамоаси таркибида тўп тепаётган ҳамюртимиз Баҳодир Насимов чемпионатдаги илк голини урди.

“Дэжон Ситизен” жамоасига қарши чемпионатдаги илк учрашув бўлгани учун ўйин бироз оғир кечди. Рақибимиз ўтган йили Жанубий Кореянинг “К” лигасида иштирок этганди. Шунинг учун ҳам қийин бўлган ғалабани қўлга киритдик. Энг асосийси мухлисларимиз кўз олдида 3 очкони қўлга киритдик.

Ўйиндаги натижадан барча мамнун. Гол бўлган вазиятда жамоадошим Рауль тўпни менга ҳаводан етказиб берди ва бош билан тўпга зарба бериб рақиб дарвозасини ишғол қилдим. Насиб қилса кейинги ўйинларда ҳам ғалаба қозонишга ҳаракат қиламиз”, - дейди “Ансан Гринерс” клуби футболчиси Баҳодир Насимов.