Баҳодир Мирзаев: "Қуръадан кўнглимиз тўлди, буёғига амалда кўрсатиш қолди"
01 фев 19:48
Янгиликлар
Баҳодир Мирзаев: "Қуръадан кўнглимиз тўлди, буёғига амалда кўрсатиш қолди"
Клуб бош директори Баҳодир Мирзаев тақвим, рақиблар юзасидан қуйидаги фикрларини билдирди.
"Қуръа жараёнини кузатдим. Яхши қуръа бўлди. Аввалдан айтиб келганман, мавсумни ўз майдонимизда бошлаш яхши. Ўз мухлисларимиз кўз ўнгида Олмалиқ аҳлига ғалаба тортиқ қилиш учун ҳаракат қиламиз. Илк турларда қўлга киритиладиган ғалаба бутун мавсумга қўшимча куч беради. Иккинчи турни ҳам уйда ўтказишимиз янада яхши деб ўйлайман. Умуман биринчи давра тақвимидан кўнглимиз тўлди. Буёғига амалда кўрсатиш қолди.
Дастлабки 5 та турда барча жамоаларнинг имкониятлари тенг бўлади. Боиси ҳозирги кунда жамоалар мавсумга тайёргарлик кўрмоқда. Кунига икки маҳалдан юкламалар олишмоқда. Кетма-кет назорат учрашувлари ўтказишмоқда. Бу бир йиллик мавсум учун пойдевор вазифасини ўтайди. Дастлабки турларда бир-бирини тушуниб олиши учун вақт керак. ОКМКнинг ўзагини сақлаб қолганимиз бизнинг асосий ютуғимиз бўлиши керак.
ОКМК ўз олдига чемпионлик ва кубок ғолиблигини мақсад қилиб қўйган. Бу орқали ОЧЛга йўлланма олишимиз керак. ОКМК мухлисларини хурсанд қилиши учун борини беради", - дейди Баҳодир Мирзаев.
Ўхшаш янгиликлар
championat.asia
Ла Лига. "Реал" меҳмонда камбэк сабаб "Бетис"га мағлуб бўлди
Ла Лига. "Барса" ўз уйида "Реал Сосьедад"ни тор-мор этди, меҳмонлар 17-дақиқада бир киши кам бўлиб қолишди
А Серия. "Рома" иродали ғалабага эришди. Шомуродов танаффусда захирага олинди, унинг ўрнига тушган Довбик эса ғалаба голини урди
Саудия Арабистони. "Ал Ҳилол" ва "Ал Насср" мағлуб бўлди
Фикрлар
Майли чемпион хам булсин, Кубокни хам олсин! Лекин, амалда канака булишини кузда билиб оламиз
Уйлаган максадларизга етинглар