Б.Абдураҳимов VS И.Алибоев. Ўйинчилар статистикаси

Бу ўйинчиларни бежизга танланмадик. “Насаф” сафига жорий мавсумда, “Андижон” жамоасидан келиб қўшилган Баҳром Абдураҳимов бирдан жамоа ўйинига қўшилиб кета олди. Унинг майдондаги ҳаракатлари, кўрсатаётган ўйинлари мухлисларга манзур бўлмоқда. Айниқса унинг рақиб ўйинчисидан тўпни олиб қўйишдаги маҳорати олқишга сазовордир. Шундан бўлса керак, Рўзиқул Бердиев унга деярли ҳар ўйинда ишонч билдирмоқда.

“Локомотив” сафидаги  Икром  Алибоевнинг исми кейинги пайтларда юртимиз футбол ишқибозлари тилида такрор ва такрор янграй бошлади. Ушбу ёш ярим ҳимоячи ҳозирдан йил кашфиёти бўлишга асосий давогарга айланиб улгурди. Вадим Карленович унга нафақат ички чемпионатимиз ўйинларида балки ОЧЛ ўйинларида ҳам ишонч билдирмоқда.  Икром эса ўз ўрнида мураббий ишончини оқлаш учун майдонда кўп меҳнат қилмоқда, бунга қуйидаги маълумотлар ҳам мисол бўла олади.

Изоҳ:  қавс ичидаги рақамлар ноаниқликлар сонини билдиради.

Баҳром Абдураҳимов (Насаф)	Кўрсаткичлар	Икром Алибоев (Локомотив)
11(5)	Тўпни рақибдан олиб қўйиш	8(5)
5(1)	Олдинга тўп узатиш	23(1)
5(0)	Орқага тўп узатиш	9(0)
8(1)	Ёнга тўп узатиш	21(1)
0	Дарвозага зарба	0
1	Қўполлик	1
0	Огоҳлнтириш	0
0	Четлатиш	0
0	Бурчак тўплари	1(1)

Ўйинчилар статистикаси учрашув 61-дақиқасигача олиб борилди. Чунки, 61-дақиқада Баҳром Абдураҳимов ўз ўрнини Шоҳруҳ Гадоевга бўшатиб берди.

Улуғбек Яҳёев тайёрлади.