Азиз Коло Туре бошқарувида ўйнайди

"Тўпчилар"нинг ажойиб ёш ўйинчиларидан бири Мигель Азиз ижара шартномаси асосида ҳозирда "Уиган" бош мураббийи бўлган собиқ ҳимоячи Коло Туре қўлида ўйнаши мумкин. Ушбу келишув борасида музокаралар ўтказилди. 

Чемпионшипда ўйнаётган жамоа қуйи лигага тушиб кетмаслиги учун Туре қишки трансферлар чоғида олиб келинадиган янги футболчилар кўмагига ишонмоқда. 20 ёшли ярим ҳимоячи мавсум бошида Испания қуйи лигасида қатнашувчи "УД Ибица" таркибида ижара асосида 10 та ўйин ўтказганидан кейин қайтариб олинди. 

"Арсенал" ўтган йили ҳам уни "Портсмут"дан деярли шундай пайтда қайтариб олиб келган эди. Азизнинг "Уиган"га бориб қўшилишини унинг мураббийи бироз тажриба орттириш учун яхши йўл эканини билдирди. 

"Арсенал" асосий жамоаси таркибида атиги 1 та расмий ўйинда майдонга туширилган Мигель Азиз ўтган йили мавсум сўнгида U-23 таркибида ўйнашни истамаслигини айтганди.

Эслатиб ўтамиз, Коло Туре ноябрь ойида Лим Ричардсоннинг бош мураббий ўрнини эгаллаган эди.