UZ

Сўнгги янгиликлар

13:21Виктор Карпенко: "Боб Хоутон танаффусда ўзини жуда хотиржам ва ишончли тутганди, иккинчи бўлимда бизни тўхтатиб бўлмасди"  4 12:57Бир ўйин тарихи. Ўзбекистон - Кувайт 3:2. Терма жамоамиз тарихидаги энг чиройли камбэк қандай юз берган?  2 12:39МЮ мухлислари бағрига шамол тегиши мумкин  2 12:14"Бока Хуниорс"нинг афсонавий мураббийи оламдан ўтди  0 11:55Марсело Бьелса: "Ўзбекистон ЖЧда иштирок этишининг ўзи катта натижа деб биламан. Ушбу йиғинда ҳар бир футболчининг имкониятларини кўриб олишимиз керак" (матбуот анжумани)  0 11:27Марсело Бьелса: "Ўзбекистон — мундиалга борадиган жамоа"  1 10:46МЮ раҳбари Аморимга 3 йил вақт берган  6 10:15"Нефтчи" собиқ мураббийи билан ҳисоб-китоб қилди  0 09:42Роналду дунё тарихидаги биринчи миллиардер футболчига айланди  20 09:13Ўзбекистон МТЖнинг бугунги учрашув учун тахминий таркиби  10 08:45"Насаф" U-21 жамоасининг қониқарсиз натижалари сабабли Зафар Холмуродов ишдан олинди  2 08:13Бугун Каннаваро терма жамоамизда дебют қилади  8 00:54Расман: "Вильярреал" ва "Барса" ўртасидаги Ла Лига ўйини Майамида ўтказилади  5 00:28ЖЧ саралаши. Саудия Арабистони Индонезияни қийинчилик билан мағлубиятга учратди  17 23:40Ўзбекистон – Кувайт учрашувини бошқариб борувчи ҳакамлар маълум  6

Азиз Ҳайдаров: "Жаҳон чемпионатига чиқиш учун уй ўйинларида ютсак бўлди, бошқа нарса керак эмас" Янгиликлар

Азиз Ҳайдаров: "Жаҳон чемпионатига чиқиш учун уй ўйинларида ютсак бўлди, бошқа нарса керак эмас"

ЎФА терма жамоалар бўлими собиқ раҳбари championat.asia сайтига берган интеврьюсида давлат томонидан футболга ажратиладиган маблағ, клубларнинг хусусийлиштирилиши ва бошқа мавзуларда фикрларини баён этди.

– Футболчи терма жамоада жароҳат олса, уни ким даволаши керак? 

– Албатта, ассоциация. Чунки терма жамоада жароҳат олган футболчиларнинг даволанишига ФИФА томонидан пул тўлаб берилади, яъни ҳар бир давлат терма жамоаларининг жароҳатланган ўйинчилари учун ФИФАнинг "Терма жамоа футболчилари ҳуқуқларини ҳимоя қилиш" бандига кўра 40 000 евро миқдорида пул ажратади. Бунинг учун Футбол Ассоциацияси ташкилот номига ариза билан чиқиши лозим.

Клублар терма жамоадан жароҳат билан қайтган футболчилари даволаниши учун ассоциацияга мурожаат қилиб чиқишлари лозим. Бунга клублар маблағ сарфлашлари шарт эмас. Масалан, Фозил Мусаев терма жамоа ўйинида жароҳат олди ва барча харажатларни ФИФА тўлаб берди. 

– Бизда мухлислар давлат футболга кўп пул ажратади, фақат бизникилар тўғри ишлатишни билмайди, давлатни пулини ейди, деб ўйлашади. Сиз шунга қандай муносабат билдирасиз, бу қанчалик тўғри?

– Оддий олиб қарасак, давлатни пулини фақатгина футболчилар емаяпти. Тан олайлик, футболчилардан ташқари давлат бюджетидан пул оладиганлар кўп. Футбол бу давлатимизнинг обрўси, уни кўтариш учун маблағ керак. Бунга фақат Ўзбекистон эмас, бутун дунё, ҳар бир мамлакат пул ажратади. Масалан, Саудия Арабистони клублари бой бўлгани билан доим давлатдан маблағ олади . Мен "Ал Шабаб"да ўйнаган вақтларимда давлат клубга 20 миллион доллар берарди. Камига бу мен билган энг кам пул олувчи жамоа эди.

Давлат пуллари клубнинг аёллар, болалар жамоаси, футзал, улардаги мураббий ва футболчиларнинг маошлари, барча-барчаси учун ажратилади. Ҳаммаси учун дейлик, 3 миллион доллар сарфланяпти, бу етарли деб ўйлайсизми? 

Бундан ташқари, легионер футболчиларнинг ўзига анча харажат талаб этилади. Айтмоқчиманки, агар биз зўр легионерларни олиб келиб, чемпионат савиясини оширмоқчи бўлсак, улар учун алоҳида маблағ ажратишимиз зарур. Чемпионатни ривожлантиришимиз мумкин, қачонки, биз буни тўғриласак, яхши ўйинчилар етишиб чиқса, бу бутун ўзбек футболи обрўси кўтарилишига хизмат қилади. Сир эмаски, ривожланиш улкан харажатни, меҳнатни талаб этади. Футбол ҳам шундай кўтарилади!

Мустақил давлат бўлганимизга эндигина 30 йил бўлди. Юртимизда ривожланиши керак бўлган соҳалар жуда кўп. Барчаси секин-секин кўтарилади. Шу қаторда футболимиз ҳам. Европага, Англия футболига қизиқамиз-ку, лекин уларнинг инфратузилмаси, узоқ йиллар давомида қилган ишларини биз ҳали қилолмаймиз. Шунинг учун биз ўзимизга мос, ўзбеклигимизга хос тарзда ишлашда давом этишимиз лозим. Жаҳон чемпионатига чиқишимиз учун уйдаги ҳамма ўйинда ютсак бўлди, бошқа нарса керак эмас.

– Клубларимиз хусусий бўлиши учун нима қилиш керак?

– Биласиз, президентимизнинг барча клубларни хусусийлаштириш тўғрисида қарори чиққан. Биз бунинг учун уларни бойитишимиз керак. Савол туғилади, қандай қилиб? Келинг, жамоалар стадионлари ёнига парк қурайлик, тиббий марказ қурайлик. Шуларнинг ҳаммаси жамоага ишласа, бюджетига фойда келтирса, эртага клубни сотиб оладиган инсонга ҳам бу қизиқарли ва манфаатли бўлади. Стадионни сотиб оламан, ўрнига уй қураман, демайди. Шу стадионни юритаман, клубни ривожлантираман, дейди. Чет элдаги жамоаларнинг стадионларига қаранг, мухлислар учун ичида ҳамма шароити бор. Чемпионатимиз клублари ҳам шундай ривожланишлари лозим. Бир нарса ўсиб, бир нарса қолиб кетмайди.

Мухлисларнинг стадионларга ташрифлари ҳам муҳим аҳамиятга эга. Ўйлайманки, юртимизда секин-аста ойлик маошлар ошиб, яшаш шароитлари жойига тушса, одамлар бемалол, худди кинотеатрга тушганда маза қилиб, маданий ҳордиқ олганидек футбол томоша қилишга келади. Қолаверса, болалар ўйнайдиган махсус ҳудудлар ташкил қилиш лозим. Улар кейин ота-оналарини олиб келади, "Юринглар, футбол кўраман", деб.

Ҳамма нарса қилиш керак, шунда клубни сотиб оладиган одамга қизиқ бўлади. Фойда келмайдиган жамоани ким сотиб олади? Уларга ер бериш керак, стадион атрофида одамларни қизиқтирадиган объектларни барпо этса, ўйлайманки, мухлислар учун ҳам бу жуда қизиқарли бўлади.

Қуйида тўлиқ интервьюни томоша қилишингиз мумкин:


Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика