- O'yin haqida...
- G'alaba bilan barchani tabriklaymiz. "Bunyodkor"dan uchralgan mag'lubiyatdan so'ng bugun g'alaba qozonib, aybimizni yuvishimiz shart edi. Qolaversa, oldinda OCHL uchrashuvi bor. Bu g'alaba jamoaga ko'tarinkilik berishi shubhasiz. Xudoga shukur uch ochko bilan ortga qaytdik.
- "Olimpik"ning asosiy tarkibi Osiyo o'yinlarida ishtirok etmoqda. Shunday ekan qandaydir kutilmagan suyurpirizlar bo'lmadimi?
- Raqibning bunday tarkibda tushishi aniq edi. Hozir hamma futbol o'ynashni o'rganib olgan. Yildan yilga yoshlar ham o'sib boryapti. Chempionatimizda ham sovg'alar ko'p uchramoqda.
- 2:1 bo'lib turgan pallada hisobni ushlashga urinish bo'ldimi?
- Himoyaga e'tibor qaratish, ustunlikni raqibga berib qo'yishni anglatmaydi. Himoyalanib ham o'yinni nazorat qilish mumkin.
- "Al Sadd" bilan o'yin Qarshida o'tadi. Qatar klubi so'nggi bor Qarshiga kelganida ortga mag'lubiyat bilan qaytgan...
- OCHLda O'zbekiston shanini munosib himoya qilishga harakat qilamiz. Borimizni beramiz. Xudoga tavakkal qilib maydonga chiqamiz, deya olaman.
