Азамат Абдураимов: "Қосимовнинг кетиши ва Бабаяннинг келиши тўғри қарор"

"Мен терма жамоа бош мураббийининг ўзгарганидан ҳайратга тушганим йўқ: барчаси шунга қараб кетаётганди, энг муҳими жамоа ва унинг атрофидаги ҳолат яхши эмасди. Миржалол эса менимча, доимий тарзда босим остида қолгани учун ортиқ ишлашни истамай қолди. Лекин ЎФФ Қосимов билан илиқ муносабатда хайрлашди. Унинг терма жамоадаги фаолияти алоҳида қайд этиб ўтилди. Бу энг муҳим вазият.

Менимча, Самвел Бабаяннинг тайинланиши энг тўғри танлов бўлди деб ҳисоблайман. Бу ҳақдаги анчадан буён гапириб келинаётганди, у ўтган йилги чемпионликдан сўнг ушбу лавозимга муносбилигини исботлаб бўлди. Қолаверса, уни ақлли ва тажрибали менежер деб биламиз. Унинг бу жиҳатлари кучли жамоа ва ягона мураббийлар штабини ташкил қилиш учун керак бўлади. У ташкил қиладиган тизимда ҳар бир мутахассис ўз иши учун жавоб берадиган бўлади, деб ўйлайман. Бундан олдин эса тартибсизлик кузатиларди. Агар мураббий ўз касбининг ҳақиқий усталарини эмас, ўзига яқин бўлган мураббийларни танлайдиган бўлса... Бу кулгули ва жуда қайғули кўринади, - деб ёзади Азамат Абдураимов ўзининг фейсбукдаги шахсий саҳифасида.