UZ

Сўнгги янгиликлар

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  3 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  2 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  41 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

Азамат Абдураимов: "Александр Лупашко билан Темур Ҳакимов энди “Андижон”да ўйнашмайди" Янгиликлар

Азамат Абдураимов: "Александр Лупашко билан Темур Ҳакимов энди “Андижон”да ўйнашмайди"

Жорий мавсумда олий лигага қайтишни мақсад қилган “Андижон” жамоасининг иккинчи босқич баҳсларига тайёргарлиги қизғин давом этмоқда.
Футболчилар кунига икки маҳалдан шуғулланишмоқда ва машғулотлар “Соғлом авлод” стадионида олиб бориляпти. Йиғин қандай ўтаётганилиги борасида “Андижон” бош мураббийи Азамат Абдураимов қуйидаги фикрларни билдирди.

- 9 июль куни биринчи босқичнинг охирги учрашувини ўтказганимиздан сўнг футболчиларга 12 кунлик таътил бердик. Иккинчи босқич ўйинлари 12 августдан бошланиши боис 22 июлдан тайёргарликни бошладик. Чунки мана шу 20 кун иккинчи босқичга тайёргарлик кўришимиз учун етарли бўлади. Қолаверса, таътил чоғида ўз устида ишлаши учун футболчига алоҳида дастур ҳам тузиб бергандик. 22 июль куни базага йиғилган бўлсак, эртаси куни футболчилар тест-синовларини топширишди. Тест натижалари эса айни пайтда футболчилар ёмон формада эмасликларини кўрсатди. Йиғиннинг дастлабки ҳафтасида эътиборни ўйинчиларнинг жисмоний ҳолатини оширишга қаратдик. Шу билан бирга тактикага ҳам алоҳида урғу бердик. Қолаверса, назорат ўйинларида ҳам футболчиларнинг имкониятларини текшириб боряпмиз. 28 июль куни “Нефтчи” ўринбосарлари билан куч синашдик. Эртага эса олий лига вакили “Навбаҳор” жамоаси билан беллашамиз. Бу биз учун ўзига хос синов учрашуви бўлади. Олдимизга олий лигага қайтиш вазифасини қўйганимиз боис элита жамоаси билан бўладиган ўйинда бунга қай даражада қодир эканлигимизни текшириб оламиз. “Соғлом авлод” стадионида бўладиган “Навбаҳор”га қарши кечадиган ўртоқлик учрашувига мухлисларни таклиф этамиз. Ўйин ўртоқлик мақомини олган бўлиб натижа унчалик аҳамият касб этмасада, ғалаба қозонишга ҳаракат қиламиз.

Таркибдаги ўзгаришларга тўхталадиган бўлсак, айни пайтда бир қатор ўйинчиларни кўрикдан ўтказяпмиз. “Сурхон” жамоасидан икки нафар футболчи келган. “Пахтакор-2” жамоасидан Асилбек Мансуровни таклиф этганмиз. Мансуров бундан икки йил олдин Мексикада ўтган ўсмирлар ўртасидаги жаҳон чемпионатида қатнашган. Шунингдек, андижонлик ишқибозларга яхши таниш бўлган футболчи Анвар Абдуқодиров ҳам машғулотларимизда иштирок этмоқда. Бундан ташқари йиғинда асосий эътиборни маҳаллий ёшларни синаб кўришга қаратганмиз. Ҳозирда бир нечта маҳаллий ёш ўйинчилар ҳам сафимизда шуғулланишмоқда. Шу билан бирга бугунда “Пахтакор” ёшлар жамоаси аъзоси ва аслида андижонлик бўлган Илҳом Абдуғаниевни ҳам жамоага жалб этишни режалаштирганмиз. У Дилшод Нуралиев бошчилигидаги ўсмирлар терма жамоаси ўйинчиси саналади. Агар ҳаммаси яхши кечса Абдуғаниев иккинчи босқични “Андижон”да ўтказади. Жамоадан кетганлар ҳақида гапирадиган бўлсам, Аскер Нажафалиев биринчи босқичда ўзини кўрсата олмагани учун у билан хайрлашдик. Қолаверса, йил бошида “Олмалиқ” ва “Пахтакор”дан ижарага олинган Александр Лупашко билан Темур Ҳакимов энди “Андижон”да ўйнашмайди. Улар олий лига клубларида тўп суришни маъқул топишди. Иккала футболчи ҳам биринчи босқичда ёмон ўйин кўрсатишмади. Тартиб-интизомни бузгани учун Шаҳбоз Жумабоевни трансферга қўйдик. У сафардаги учрашувимизга негадир бормади. Шу боис Жумабоевни жазолаб уни трансферга қўйдик. Ўз навбатида “Андижон” клуби учун бегона бўлмаган мутахассис Ориф Маматказинни мураббийлар штабига таклиф этганимизни ҳам айтиб ўтишим керак. У жамоада катта мураббий бўлиб ишлайди. Биринчи босқичдаги иштирокимизни таҳлил қиладиган бўлсак, ҳимоя чизиғида хатолар кўзга ташланди ва кўплаб голлар ўтказиб юбордик. Шу боис Маматказин машғулотларда ҳимоячилар билан ҳам алоҳида иш олиб боради.

Умуман олганда олдимиздаги асосий вазифа “Андижон”ни олий лигага қайтариш ва айни дамда шу мақсад йўлида астойдил меҳнат қиляпмиз. Бундан ташқари маҳаллий ўйинчиларни тўғри йўлда тарбиялаш ва жамоа негизини шакллантириш ҳам мақсадимиздан бири.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика